上一篇日記《睇比賽變成落場比賽》的尾段，提到wilson叫我係今日再打多場比賽，我本來冇應承佢，但我見今日有PE堂，況且，又可以為個社爭光，所以我冇拒絕。

今日放學後，我立刻去更衣室換衫，但由於更衣室冇開，所以我去咗洗手間換，換完衫出到去，就見到盧仔，佢同我講陣間比賽，用咩策略。傾完一輪，我地就出去睇人比賽，睇睇下，突然間，有個人拍我膊頭，講:「努力!」我一望，原來係wilson。

等咗一個鐘，終於到我地出場啦，臨比賽前，我叫黃麗娟係中場休息個段時間俾枝水我飲，等我唔好缺水。

比賽啦，個籃球一起，我地紅社同綠社都立刻搶波，務求要搶到個波為止，我地不斷跑不斷跑，期間我被人記我推人，可惜，我唔知綠社d人籃球技術好呀定係阿sir發雞盲，次次開親波，都係綠社入樽個邊開波，真係............................

最後，我地輸咗，我地5個女仔，都索晒氣，雖然，紅社係最後一場比賽後勁好凌厲，但都敵唔過綠社，只能攞過亞軍。

我真係有d唔抵，不禁地同個天講咗句:「天呀!!!你係唔係連你都玩我呀?」