今日係第一日考試，考英文同中文oral，英文其實都幾有信心既(因為主要考tense)，中文oral更加唔使講啦，諗住十拿九穩，點知，英文真係有考tense，成份卷都唔算好難，但就俾最後果頁陰到啦~~

事源係最後果頁，係講你贊成定反對去保護d鯊魚，咁份卷個題目話presentation，咁我以為只係寫番d point出黎，再解釋下咁啦，點知，完左英文試，問番d人，原來presentation都有格式架，就係開頭要Hello，結尾要This is the end of my presentation,Thank you!

真係……

不過都好好彩，我係反對果度，有寫到Thank you~~~

之後，就考中文oral，梅梅話會出3個題目，十年後的我、最偉大的發明同我的好朋友，點知，到我考嗰陣，竟然唔係3條，係如果我係校長，會增設咩科目，咁好啦，咁開頭寫咗兩樣，清潔科同制服科，之後覺得制服冇咁好，咁就改左急救科，咁我講完遍範文，再講嗰兩科，點知仲有一分幾時間剩，咁我就再講埋頭先唔要既制服科啦，但講完都仲有十秒剩…死唔死呀~~

之後，就走人啦，見到阿媽o係門口等我，咁我同阿媽就去左安定度食飯啦，咁行到去安定，又經過唱片舖啦，走咗入去睇啦!

點知，竟然俾我搵到寶，就係edmond 03年一個mini音樂會既DVD呀!你估幾多?$29咋，抵到冇人有!正呀~~

最重要係唔算好花，好清，仲有詩詩呀~(睇完之後，真係三個字講晒----無得頂!)