今日同Iris出去旺角，我就搭60x去旺角啦，點知一上車，就見到梁詠琪(唔係唱歌嗰個)同佢個friend，咁佢見唔到我，我都費事同佢打招呼啦，又唔係好熟，咁之後，我就喺旺角地鐵站就落車啦(因為約咗人交收)，點知佢又同個friend喺度落車喎，唉!我諗佢都應該見到我架啦，但我都唔想理佢。

落咗車之後，我就喺旺角地鐵站D1出口等個賣家啦，等左一陣，我就打俾個賣家啦，佢問我喺地鐵站入面定出面，我話喺出面，咁佢就上番黎啦，咁我地交完收之後，佢就走咗啦，佢其實都同我差唔多年紀，咁好啦，交完收，我就諗住叫Iris喺下個巴士站(即旺角登打士街)等我啦，點知佢又話就嚟到旺角地鐵站，咁我又行番過去啦，好晒我腳骨力呀

好啦，之後同佢去旺角中心間neway度扭蛋啦，點知搵左好耐都搵唔到間neway喎，最後先發現原來係要搭升降機上去架

上到去，佢就去換硬幣扭蛋啦，佢扭到度黑貓，之後我同佢就行左入去條k房既走廊(皆因我從未試過唱k)，一條藍色既隧道，裡面d房又唔係好大喎，足夠坐兩三個人度啦，咁我出番嚟啦，我地搭番升降機走。

出番嚟，佢又話想去瓊華中心再扭，咁再上去啦，今次佢又扭到菇人喎，都幾好彩喎，之後，同佢行去信和啦，我地一嚟就先上10樓，睇下有冇平嘢執，結果我就咩都冇，佢就買左兩隻碟(包括奪標同我真的可以)。

之後，佢話去13樓，咁就同佢上啦，但嗰度嘅老闆好唔掂囉，我地問佢hocc個boxset幾多錢，佢剩係叫我地估下，又唔講幾多錢喎，分明就係睇唔起我地有錢買(但真係買唔起)，之後，我地再問佢d海報賣唔賣，佢就剩係拎頭，算!以後都唔嚟呢度!等執笠啦!

之後我同Iris落番去地庫行，我地行左去一間二手cd舖，我就買咗隻《what really matter Hocc2007》，佢就買咗隻《艾粒電視台》。

再一路行上去，Iris就買咗一輯hocc嘅相集($30)，我就買咗一個hello kitty襟章($3)。

之後，我地搭地鐵去西九龍中心，去到嗰度，就搭升降機去5樓啦，見到有一檔有yescard賣，但冇hocc，但道門有d閃卡，我問佢係唔係得咁多，佢就唔賣喎!(唔賣你整出嚟做咩!)

冇辦法啦，咁岩Iris肚餓，陪佢去8樓個美食廣場食嘢啦，等左好耐，佢個飯先整好，咁我趁佢食緊飯就行去賣走yescard啦，佢收我$0.5/張，我有兩張(即$1啦)，但最抵死嘅係，佢賣番d yescard出去，要成$10張呀!勁貴呀!當我地羊牯呀?

最後，我地就走左，各自番屋企lu。

今日的收穫:

1.what really matter Hocc2007($68)

2. 2張teens card  & 3張yescard($10)

3. Hello Kitty蒲公英襟章($3)