今日同屋企人喺屋企食完飯，就搭140小巴去青衣啦，大大話話都已經有好幾年冇去青衣啦，呢次因為出funition嘅原因，所以今日「重遊舊地」。

好啦，大約一點幾，我地就到咗啦，但開始時間係3:00，唯有同屋企人周圍行下先啦，一入嚟個陣，發現青衣城變咗好多，個舊墟冇咗，宜家變咗一間時裝店;以前「冒險樂園」嘅位置，宜家變咗「玩具反斗城」;而「冒險樂園」就搬咗去近住扶手電梯嗰個位，但舖位就細咗啦!

之後，我地就去咗「美亞」文具舖，呢度d相簿超貴，40頁要成$69.9，嘩!

跟住我自己就行咗去「三聯」睇書，話就話睇書，但梗係唔知咁簡單啦~

之後，Iris打俾我，話佢已經到咗，所以我就落番去大堂度，見到佢一個人四圍望咁樣，附近又好似冇太多人。之後同佢傾完一輪，金金同vivian(新識嘅)就到啦，金金同Iris話要去買嘢飲，所以我同vivian就入咗去坐啦。

好啦，跟住就有個人行過嚟同我地講一陣間玩遊戲d嘢(唔係我玩，係vivian)，咁要分組玩嘅，有3個遊戲，第1個就要edmond或ronald一組啦，每組有3個人，喺2分鐘內，幫1個組員打扮成大廚;第2個就都係要3人一組啦，就要喺2分鐘內，喺個蛋糕上砌番「五星級大鼠」上去;第3個就係有口難言，edmond同ronald做動作俾4位觀眾估佢地扮d咩食物!

好啦，到咗玩遊戲嘅時候啦，玩第1個遊戲個陣啦，edmond幫個小妹妹打扮個陣，個妹妹又推開佢喎，好啦，之後edmond又幫個小妹妹戴眼罩、成串粟米擺喺佢條頸度，之後仲要拎自己部手機影個小妹妹，嘩，勁搞笑XD

之後第2個遊戲，vivian就上去玩啦，但上去個陣，edmond又望住佢喎，以為佢想去個組，但可惜唔係，vivian揀咗ronald。

到咗第3個遊戲啦，有口難言，呢part真係好笑到不得了，佢地兩個不停做動作俾人估，但估到之後，叫佢地講番一樣菜式，係有個樣食物嘅，點知個個都話芝士龍蝦、芝士牛角包、芝士牛尾湯，仲有芝士焗炸魚…哈哈XD

仲有估緊個陣，edmond都未做動作，d人就喺度亂估，edmond發火咁話:「唔好亂估啦!」XD

之後完咗show，我地落去停車場等ronald啦，開頭落去個陣，睇個指示牌以為去咗垃圾房，但睇真d，原來edmond嘅fans喺條度通道後面，咁我地就過去啦，原來呢度係停車場!之後，佢地嚟咗啦，就簽名啦，因為咩都冇，所以剩係俾把ronald簽，然後影相(終於有同鄭生嘅合照啦^^)，佢簽緊名嘅時候，見佢好多汗，我地d fans就幫佢撥扇啦，俾人話我地似宮女，鄭生仲要話:「咁我咪係皇太后?」XD

最後就同屋企人行多陣，就番去lu。

P.S.今日睇完本《班門弄戟》，發現有一頁有edmond張相: