都有一段時間冇出荃灣啦，今次去都係因為嗰度有yescard賣啫，咁自己搭60M出到荃灣地鐵站，落咗車就行B2出口等Iris，過咗陣，佢就到咗啦，第一時間梗係交換番d卡先啦，又多一張hooc卡啦!

之後，我地就行去一條天橋，去到荃豐中心，再連穿好幾個商場，終於到達目的地----昌寧中心。

我地去到接近連接第二個商場嘅門口位左手邊第一間舖頭，開頭只係見到有今期(57激)掛喺度，但原來喺右面都有yescard賣架，仲要一疊一疊，所以都搵卡都搵餐死，咁啱又有另外一個女仔喺度搵卡，但又唔擺番落去喎，所以搵到我地好亂好亂，都唔知邊d搵咗邊d未搵，唉……

但都好啦，都叫有收穫，況且宜家暫時唔駛俾錢住，因為冇散紙嘅緣故，所以要Iris俾住先，但放心，我一定會還嘅，只係未知幾時XD

之後，就行咗去三聯睇書，睇咗陣，見到有阿菇嗰本《十八相送》嘅書呀，幾十蚊就有交易啦，但由於我地兩個夾埋都唔夠俾，所以冇買!唉!

之後就行咗去愉景新城，睇下冒險樂園有冇yescard扭同換嘢啦，點知都係冇，我問過d姐姐，原來一開始有新卡出，頭兩日就冇晒架啦，所以大家要醒定d啦!

之後，我地就各有各番屋企，我行番去搭60M，但等好耐都未有車番，條龍仲長到去落樓梯嗰度，好彩，過多陣，都有兩架車番咗，我上咗第一架，都仲有位坐。

番到去屯門啦，臨落車個陣，有個女人唔記得拎走袋菜，結果要跑去我要落車個車站拎番包菜，所以大家要睇清楚自己d嘢拎走晒未，因為唔係次次都咁好彩可以拎得番，兼且車站與車站之間嘅距離，係你意想不到嘅。

今日番嚟嗰陣，睇下個信箱，發現兩封信都一齊到左呀!好嘢!

今日的收穫:(上排:係荃灣買；下排:郵寄番嚟的)