今日搭52x去西九龍中心，去到嗰度，見Iris未到，就去二樓睇下有冇yescard買啦，咁去到一個舖頭面前，見到有一個阿嬸同一個阿叔喺度賣yescard，個男人仲行動唔方便架，咁我問佢有冇hocc啦，佢係有，但都冇我想要，兼且好貴(白卡$2、簽名$3)，呢個時候，Iris就嚟左啦，佢頭先扭咗d卡，但冇一張係hocc，咁佢想問下頭先個兩個人收唔收啦，點知唔收喎!Iris就諗住放上網賣囉!

之後，我地就行咗去地鐵站交收yescard啦，個賣家好矮，仲矮過我，不過有樣嘢好奇怪，之前同個賣家聯絡，佢話因為搬屋所以先至放d卡，但係交收前一晚，佢問我要唔要最新一期既hocc，哈!我就奇怪啦，呢頭先話要搬屋清貨，果頭又去喪抽yescard?有冇可能呀?

算啦!都唔想再討論呢個問題，之後，同Iris搭地鐵去旺角，行咗去朗豪坊，諗住搭升降機啦，點知架升降機層層停，唔係有人玩電制，只係升降機入面有個電梯女郎，所以要層層停囉，早知行扶手電梯啦!

上到去12樓嘅CD Warehouse，見到有個區係平咗$10(即係原價減$10)，突然見到有隻shine嘅碟，你估幾多錢?.....只係$10咋!仲要係全新未開過!真係難以自信呀!

之後，同Iris用扶手電梯落番去，條電梯真係好長(有成幾層樓高)。我地去咗二樓嘅M記，Iris就買咗個餐，由於M記冇位，所以我地喺M記出面食。

食咗一陣，我地就行去信和啦，我地由地面行，行到去10樓，都冇咩收穫，行去10樓個陣，見到有《正牌香蕉俱樂部》，仲$5咋，但一打開嚟睇，發現只係得A碟，B碟唔見左，所以買唔成!

之後，我地去一去M記借廁所，再各自搭巴士番去。

搭60x番去個陣，突然間塞車喎，要成7點幾先番到去!唉!