今日起咗身無幾耐，做咗陣功課，之後就同屋企人去飲茶，好耐冇去飲茶啦!所以阿爸阿媽叫咗都幾多嘢食架!

食完之後，我就先番番上去做功課，無幾耐，佢地就番嚟啦!之後，我又要去圖書館搵資料，阿爸阿媽又要出去買餸啦，咁我地就各有各行啦!

去到圖書館，今日同平時都差唔多人，我行埋去d電腦搵下有冇我要搵嘅書啦，點知搵嚟搵去都搵唔到，去埋地庫個參考圖書館都冇，咁冇辦法啦，唯有去咗買"毛冷"，然後天水圍個圖書館有冇啦!

番去個商場嘅二樓買"毛冷"，點知d冷好貴呀，幾十蚊一個，針都要$30，所以就冇買啦!唯有去埋天水圍圖書館度搵料啦，咁岩要走個陣，阿媽就打嚟，話同阿爸果張八達通掉轉用喎，因為搭西鐵同輕鐵都唔使錢，咁就換咗嚟用啦!

去到天水圍，喺銀座落咗車，一嚟就去番尋日同Iris行嗰間CD舖，買番隻「WE STAND AS ONE」，點解?因為間嘢要清貨，兼且呢隻碟都係喺特價區就有，出面買要$45-55，但喺呢間嘢只係要$29，抵到冇人有，仲要係一手，雖然個封面都有d花，但隻碟唔花就得啦，兼且裡面d嘢都好齊。

買完之後，我就上去圖書館搵書啦，終於都搵到一本啦，雖然資料唔多，但都有用嘅。

之後就行咗去一間交具舖抽yescard，今次抽到張敬軒，不過都預備放架啦XD

不過去抽卡嘅同時，都留意下有冇人其他人抽中hocc，但都冇人抽中，最搞笑嘅係有個男仔，佢抽咗好多次，但抽嚟抽去都係kenny，方力申都抽咗兩張XD

之後行番去樂湖，間卡檔都係得個女人喺度，都係買唔成架啦，之後就買咗包冷麵啦，但…勁難食囉!真係貼錢買難受!

之後就搭番西鐵番去lu。