今日坐60x出去太子地鐵站，巴士本來有位嘅，但因為全部都係男人，所以冇埋去坐，搞到一路企到出去太子，唉!

巴士去到深井嗰陣，Iris話仲未上車，要唔知幾耐先嚟，只好到咗再打電話啦。

到咗太子地鐵站，一落車，就即刻去買咗杯豆漿飲，因為自己開始有d頭暈，跟住，就落咗去地鐵站間7-11增值(因為八達通得番$0.5)。

增完值，索性等Iris嚟啦，其間發現，原來呢度去石硤尾個地鐵站，只係$3.8咋，不過行去今日嘅目的地---白田村，都要去遠，所以我地最後都係搭番104號巴士去白田村。

去到白田村，嗰度真係好靚架，條村喺山上，好寧静，如果等時搬屋，搬嚟呢度都唔錯呀!起碼佢有屋村嘅味道，亦唔算好污糟。

咁我地之後去問下d人，白玉樓喺邊啦(因為間yescard舖喺白玉樓嘅下面)，但每個人都話白玉樓唔喺白田村，咁就奇怪啦，明明查過地圖，白玉樓嘅位置明明同白田村個d位置都係差唔多咋喎，咁樣冇辦法啦，唯有自己落山搵啦，好彩最後都搵到間嘢。

間yescard舖喺白田購物中心嘅，我地一嚟就上咗去上面嗰層，都好雜下，又有網吧、機舖，後尾我地落番地下個層，先搵到間yescard舖，間舖好多嘢賣架，有yescard、yes精品、銀包、相、懷舊嘢，仲要係幾舊都有，值得推薦，兼且個老闆娘好好人架，我地想去廁所，佢又肯借商場嘅鎖匙俾我地，臨走個陣，我問佢點解有咁多嘢賣，原來佢已經喺度開舖十幾年架啦，所以儲埋咁多貨，奉勸各位喜愛yescard嘅朋友，一定要去幫親呢間，卡嘅價錢都係公價啫(白卡:$2,閃卡:$5,特別卡:視乎種類而定)。

之後，我地就離開咗，行經石硤尾村搭地鐵去埋荃灣，搭地鐵個陣有一夫婦拖住兩個小朋友搭地鐵，個男仔呢就好好動啦，事關我揸住支扶手個陣，佢打我隻手，唉!但個妹妹又好靜，全程剩係拎住個公仔，同爸爸媽媽喺荔景落咗車。

去到荃灣，我地行番去yescard檔啦，點知今次又冇嘢岩，所以就走咗lu。

今日的收穫: