好耐冇打blog啦，基於呢d時間去咗啦啦隊，好啦，即刻報告一下今日嘅程況先!(基於今日都屬於返學嘅日子，所以冇用手機影相，敬請原諒!)

今日5:00已經起咗身?點解?因為要練啦啦隊，所以食咗個杯麵就走啦!

6點幾已經到咗運動場，天先岩岩光d，但可惜人唔齊，所以都冇點練過(咁我咁早起身咪白費?)，算啦!唔駛幾耐，已經差唔多要集隊啦，大家首先坐咗喺東看台，然後就開始點名，點完名就番去自己個社度坐!

坐咗唔駛好耐，d人已經開始比賽，我就要同一班紅社既人一齊打打氣，不斷嗌不斷嗌，綺婷都要拎d蜜糖水潤一潤喉。但係，坐喺度始終有d悶，好想落去同d人影相呀!唉!

到咗食飯前，終於都到咗啦啦隊比賽啦，換衫個陣，更衣室堆滿晒四社d人，我都知道要快d換衫，所以都加快自己嘅速度。終於換好啦，大家都稍為熱一熱身，番到去看台前面，大家又時手忙腳亂，因為要黏膠紙，好嬲呀!d膠紙黏極都黏唔好!激死人!好彩，最後都黏到!

終於到我地比賽啦，心情很緊張，很擔心會忘記咗d舞步，但大家睇完兩個社表演，心情都稍為輕鬆一d，因為佢地d音樂較為輕快，我地首先以社歌迎戰，才真正地進入作戰狀態!大家落力地跳好佢，因為知詭只得一次的機會，係唔可以鬆懈落嚟!音樂完咗，舞亦跳完，但大家嘅心情都可以暫時放鬆一下。

到咗食飯時候啦，阿媽突然唔見咗，但後未先知原來喺更衣室出面，嚇得我呀!結果都冇咩時間啦，唯有買番黎運動場食啦，美心d野差咗，盒飯d腸仔好難食，但我都唔會成個飯盒掉咗佢，但都係食唔晒，因為份量好多!

又開始下午嘅賽事，我同綺婷參加咗推鉛球，我再一次失敗收場，綺婷卻意外地獲得銅牌!雖然我好羨慕佢，但妒忌邊個冇呀?但亦證明一切都係不可預計，冥冥中自然有人會安排!(咩人呀?)