今日12點幾，就同阿媽去卓爾居間美心快餐食嘢，食完嘢就行左一陣個商場，然後就去輕鐵站同人交收卡簿啦，本卡簿都俾我想像中大好多，足足有我成塊面咁大呀!仲可以擺一百幾十張卡添呀!

之後，就去屯門西鐵站等Iris啦，點知佢又俾個買家放飛機，不過好彩，佢搭輕鐵嚟，冇蝕車錢。之後，我俾番上次bid嘢d錢佢啦(bid咩?唔話你知!)，之後就周圍行下啦!

我地由屯門市廣場，行到去置樂，途中，喺中央廣場搞緊一個ICAC嘅展覽，有一個地方喺模仿個落案室，Iris見到間落案室，就即刻想扮上次edmond喺套劇內面好激嗰一場!

之後，我地就繼續行啦，行到去一d扭蛋機前面，我就扭咗一個啦，係一個心形吊咀，$5咋，仲好靚添呀

我地再行去利寶啦，今日好好彩喎，間賣卡舖有開，但嗰個老闆娘都係一d禮貌都冇囉，我地都唔知俾佢叫咗幾多「二個字後先嚟呀!」，我地等下等下，都等咗成個鐘啦!最後梗係冇收穫啦!

之後，我地去咗DNA，Iris買咗兩隻碟，我就冇啦!

最後，我地就行去安定個輕鐵站搭輕鐵，各有各走啦!