今日過海同阿媽搞老豆d強積金，以為要搞好耐，點知都唔洗15分鐘就搞點晒啦!

之後同媽媽搭電車去銅鑼灣(好耐冇試過由中環搭叮叮啦!)

電車內人好多，仲要坐下層，想睇下風景，都要將個頭拎來找去，搞到條頸都痛痛地!(宜家先知坐上層真係一件好舒服的事)

講番轉頭，去銅鑼灣係因為想去金百利的一間砌圖店，上年書展佢都有擺過檔，買砌圖送埋架，不過今日就冇收獲，因為個價錢比書展個陣貴左d(我上次買左1盒300+1盒500<$400)，但宜家眼見同一盒既500都要二百幾，所以就卻步啦，等書展先啦!

之後去左銅鑼灣中心地庫，以$55大元買入左王菀之《On wings of time》第二版，有埋moovlive，超抵!

題外話：呢隻《On wings of time》係Ivana入行以來質素最好的一張，但卻係銷量最差的一張，所以第二版其實包含左第一版CD包裝，再額外加多一張moovlive既碟姐。講真，我好欣賞呢種第二版的做法(通常加多左D歌同MV，換個封面包裝就話第二版，擺明車馬要掠多你一次水架啦)但呢個第二版只係加多隻moovlive，連埋第一版CD，既可以清一清第一版積下來的貨，不造成浪費又環保；而且今次第二版唔係只係加MV，而係成個moovlive喎，抵買啦!感覺上一d掠水成份都冇。(如果本身買左第一版果d就唔係咁講啦XD)

然後，同阿媽去新釗記食飯，d椒鹽豬扒又辣又咸，搞到我地要狂飲水，好彩一碟飯兩份食姐，$38呀，貴得佢呀!

基於碟飯太唔掂，於是同媽媽去M記買雪糕，等條脷可以甜一甜先!超爽!

最後，就搭番962番去lu!