9月6日，正式展開人生另一個階段，學習環境轉換了，以前小學中學都唔使搭交通工具，又慳錢又健康!

不過宜家讀IVE，搭車的次數應該算係咁多年來的總和吧，轉車冇轉到我嘔已經要偷笑

點都好，至少宜家都跟得上d課程，英文都未係好深，不過Group project真係多得可怕，幾乎係我整個中學生涯的總和!

同d人既相處都未係好好，食飯都係一條友，冇計啦，飯堂最低消費$15，唯有行去百佳買個pack好晒既飯囉(味道麻麻，不過志在填肚)

選擇得呢條路，就不可再回頭，繼續走下去，希望可以通往大學之路

今日想分享一首歌，原想喻意末代會考生在9月過後，升原校的升原校，轉334的轉334，讀IVE的讀IVE，唸副學士的唸副學士，總之好好適應一切新事物、新環境、新朋友，正所謂

如其怨天尤人，不如重新開始

係啦，送埋畀今日開左新MSN的AC的Iris小姐聽，好好品嚐!