DVD今日就出左街啦，不過未儲夠錢，所以遲下先重溫4位大哥既演出。

其實之前喺Youtube都睇過一d片，我都預左金牌同東亞唔會完全收錄晒咁多場既嘉賓既演出架啦，有Sammi都ok啦(不過我最想睇既係同草蜢「一起森巴舞」喎XD)

唔緊要，上番Youtube睇XD(仲有encore睇添)

睇番張list，都差唔多完全收錄晒4人既solo同合唱，值得讚! 宜家就介紹幾個演唱會必睇場口：

1. 四人重演新秀
四人都是於80年代參加新秀而入行，除了上網睇番當時的參賽片段，根本就好少機會可以見番佢地以前既新秀look，但為了今次演唱會，4人都豁出去，尤其是阿公，宜家既佢咁講求fashion，見到佢以前既look，應該有d「自嘲」feel；但最敬業都係Dicky哥同梁生，一戴個假髮，理應好多人都會懷疑佢地係咪睇緊網上既video，咁似既?XD

2. 足球小將(情深版)
Dicky哥想佢自己既代表作《足球小將》，一首本來節奏明快的兒歌，唱到成首情歌咁，觀眾唔知應該感動好，定係當佢搞笑好? 無論點都好，一定會有一個煥然一新的感覺。

3. 老死(空中鋼琴伴奏版)
我既favourite!!! 我相信冇邊個女仔唔lum，真係好正既performance! 其實我覺得Big four各有各賣點，而梁生賣既就係琴技。呢首歌原唱係阿公，如果論唱功，一定係阿公好d(四人當中阿公把聲最靚)，但如果以一個整體performance去睇，梁生今次演唱會既表現完全毫不遜色。

4. 四人medley
將四人的經典歌曲重新混音，慢歌快唱，截然不同；還於高空演唱，耳目一新，帶來雙重刺激享受。

5. 信者得愛(視聽版)
相信此曲係香港樂壇近年來最成功的一首福音歌曲，加入流行音樂元素，有別於一般的福音歌曲；而Sammi今次同多位華星好友一齊合唱，必定產生不少chemical!!!

在演唱會完結之後，DVD推出前，曾經有很多人在Forum討論邊個好d，邊個差d? 但如果有真正買飛入場，或睇過呢隻DVD既觀眾，就會好明白到呢d討論係無謂既，因為4人既賣點根本不相同，就好似頭先講過，梁生係賣琴技、Dicky係賣口才、阿公係賣靚聲、安仔係賣舞功。大家既照顧的觀眾層面不一，又何來比較呢? 比較左都唔會公平啦! 所以希望大家少d喺歌手與歌手之間作出任何不必要的比較，正面地討論才是推動歌手以及香港樂壇進步的方法!