有睇《放榜日》一文的人應該知道本人臨離開原校時，副校長曾說我此等成績是可以報讀任何的副學士課程，不過我仍是選擇IVE。

早在會考之前，原校再三強調一定要報IVE，初頭我對此還不太在意，到了電視節目《星期二檔案之末代會考》播出後，才急急於網上報名入讀。

放棄傳統中學的兩年預科生涯，本人考慮的出路其實唔多，IVE是其一，因為我可以修讀我喜愛的科目---旅遊。

模擬放榜當日，模擬結果係冇14分，校方建議此分數可選擇報讀副學士，旅遊科的連盈盈老師亦謂副學士也可以修讀旅遊。

然而，我從來沒有考慮這條出路……

本人亦了解讀副學士係幫助學生入大學，IVE則是就業。但早在本人未應考會考之前，副學士的負面新聞連續不斷，大多都是談及認受性及課程質素的問題；因為讀副學士，若GPA達不到某過水平，其實是沒辦法入大學(根據教育局09/09的資料顯示，約有20000人報讀副學士，但最後只有不足一成人能升讀本地大學)；而持副學士找工作更是難事，因為大多顧主對副學士的課程均不太了解，難以訂下針對副學士的招聘準則，變相有點「高不成低不就」的感覺。

而課程質素，因為相比IVE，副學士在香港的資歷仍較短，加上坊間大規模地舉辦不同類型副學士課程，但部分課程未曾經政府評審，質素成疑，亦是令顧主卻步的原因之一。

從學費這個比較敏感的角度看，基於IVE與副學士的修讀時間相同(這指本人所修讀的課程)，兩者均是三年。合計三年學費，IVE約$70,000，而副學士則約$100,000!!!  雖然政府設有學費資助，但都是採用「先交錢後退還」的資助方式，無疑對家庭經濟造成一定負擔。因而，副學士已脫離我的升學出路選擇。

至於IVE，一向予人感覺「低分考生的最後選擇」，即是中英文合格而最後不能升讀中六的考生的最後出路。

過去數年，IVE仍會舉行第二、三階段收生程序(收生要求會不斷降低，以有足夠人數開班)，這代表過去考生對傳統中六學位那種「不到黃河心不死」的態度，未到中六收生最後一天，都不會選擇入讀IVE。

但時移世易，一個334，今年IVE第一階段招生，約一萬多個學位全部額滿，雖然最後都有剩餘學額，但現在都所剩無幾，在我個人而言，因為大家都認為讀完IVE，至少拎住張文憑行出來都會有人(包括政府)承認這個學歷，就業不是主要憂慮問題(當然要視乎工種)。

談及師資，基於有朋友亦於IVE就讀，佢都同我講過佢既校園生活，有d老師真係一夠鐘就鬆人，好難在課餘時間問佢問題；如果有睇報紙，都會知道最近有IVE導師召妓被放蛇一事。無可否認，呢d都係事實，不過我喺原校都遇過呢d老師(指前者)，所以我相信就算唔讀IVE，都唔代表我唔會遇到呢d人，又正如去到IVE可能見到有hea既學生，但難道其他學校會冇呢個情況? 所以呢方面的問題，我冇辦法去顧慮，亦冇辦法去避免，只可以做好自己本份。

如果你問我想唔想讀大學，我會答「想!」

副學士升大學的機會率已經唔係高，IVE升大學就更加是微，雖然IVE同副學士賣廣告，都會主要sell畢業生可以升讀大學，但事實係要成為其中一個非易事。即然如此，倒不如揀IVE!

「進可攻(入大學)，退可守(就業)。」

不過，大前題係要努力讀書，因為盡咗力都升唔到大學既話，大概都係「出來工作比較適合我!」

但願我正式投身社會工作時，香港旅遊業發展仍然一片光明! (希望到時有工做!)

其實打呢篇文都想盡量做到不偏不倚，講事實就算，不過我知道揀咗讀副學士既同學已經清楚係咩一回事先會報讀，所以我相信佢地肯努力，要升大學不是難事，願主能保守他們度過這三年時間，能夠順利考入大學。