↖.正宗始創的cafe de coral.↑賣衫的大家發.←整麵的大家食(我常去的)

果然一個好的概念.係會有人學的.如果我係大家樂logo設計者.我見到咁樣.都會開心的.

因為我們都是"大家"一份子.

Happy togeter

" 大家樂.唔怕學"

要進行呢個緊急搶救行動.

所以今日lunch時.無約人.

一個人諗住出去掃貨!!!!(正所謂"開心買鞋、唔開心挽鞋.海港城)

最後決定去左葵芳新都會診所.

仲特登去襟機襟左幾舊水出黎諗住交醫藥費

其實去新都會,係因為知道果度有Pullip展.

順路去睇下姑姑版同nana版的Pullip.

去度,原來係平台位.

就發覺有點兒不對路.

不是位置,不是Pullip不對路.

而係.................參觀者.10個有9個係女.第10個係陪女來的.

我又唔係第10個.當時個look又充滿佬味(知我做邊行果d人會明?)

行埋去停抵睇d Pullip.好似有點..........但山長水又遠經過左幾個地鐵站而來.

唔睇又一點.........

最後選擇左一個進可睇退又唔被人奇異眼光的方法.

就係non-stop直線進入跟住走出呢個show展.

眼尾望了target兩眼.果然真係做得好靚.

跟住去左CD鋪.o~~~(底層角落那間變了"滿記甜品")原來新位置係入口附近.

細間左....我都係鐘意角落cd鋪多d.入到去本應想掃幾隻唔識,唔知,又未聽過的cd回去.

拿起以前從未想過會買的cd~T-time 蔡健雅(記得之前在電台聽過他唱live.靚到漏的聲音~)

跟住睇下d歌名.就比其中一首吸引住-深信不疑 ,好鐘意"深信"二字.是一種堅持同自我的表現.

又再來了,是那種感覺.

無法用文字表達.

能扼殺一切的感覺

唔知點解,我對wyman的感覺很強

我不認識他.但我知佢係一個唔鐘意搶.

唔鐘意爭的一個人.要贏就要贏得飄亮.從不討同情分數.

但這性格亦使他變得悲觀起來(我覺得)

他的歌詞.好有共鳴.每次與我有共鳴的歌詞.十居其九都是他手筆的.

他應該是一個要求高的人吧(也是我純覺得,無科學根據)

走一條孤高的路不易吧.幸好他行得飄亮.

不過.......要求高的人最慘,最傷害得自己最深的是.

追求完美的人並不完美.最可悲的那個死穴還是後天而來的.

本以為完美.最後變成一個比普通更差的姿態出現.使他很多事都不敢直接做起來

相信是完美主義者的最大傷害.所以我見他很多時的心情都不十分雀躍的.

這對他的創作亦很大影響.很多時用另一個包裝表達出來.只要看他的詞.

悲歡離合是"悲離"多過"歡合"的.

開頭只對他的詞有共嗚.但係唔知點解.而家我對這作者有共嗚起來.

我感受的.我相信只有他的感受和我最近.你好~~"好人"

希望wyman看不到我這個痴人在這亂分析他

他看到會很火的(我知道)

我知佢會覺得若果沒那事出現

這將會改變他的一切.

所有都變好(我知道,亦深信!)

"稽首天中天,毫光照大千. 八風吹不動,端坐紫金蓮。"

我相信沒有人真的做得到的.每個人都有感情.沒法不被傷害.

一旦對某些東西寄予厚望.就會有感情的.當失去時.難免會多少心痛.

我會痛的.........尤其今日

深夜時分

本應想上床大睡一會之際

下起大雨起來.仲行雷添.

突然諗起d野起來.

"不如影下閃電lor"

就係咁.二話不說係櫃那出相機來.

地對空咁影佢la.

一開頭咩都無教下.

影出來.竟然見到~~~~~~~~~

雨.........雖然都好特別

但我想要的是閃電.跟搞左一搞.

捕左好耐之後.最多都只係光......

我想要的是閃雷.........................

之後等了又等.影了又影

影了又等,等了又影..................

最後~最後~最後~~~~~終於~~終於~~~~~~~~~~~終於

閃電出現~~

影了40~50張.半個鐘頭的成果.

我答應做的.我做了~~~~~

要訓了

今次係我第一次破例一日寫兩篇日記

係有d野突然諗到.突然想講.

當機會在一個人身邊重覆又重覆地出現.

他們漸漸會覺得其實算不上是"機會".係"必會".

必定會一次再一次出現的機會.

是他們有過人之處,能擁有比別人更多的機會.

還是機會創造者"好心".使這些人把握這機會呢?

相反有些人................

世界的公平是存在的.不過不是所有都會公平!

深信"一刻的變.一世的轉"

其實係8月1日那天.

就係我做呢份工的4週年不被炒紀念日.

一做就做左4年了.........(歲月趨人)

之前3次到8月1日時.都有種期待同雀躍的心情.

今年竟然係過左幾日先醒起.可能係心態問題la

以前玩玩下咁就過左日晨.

而家好多情況都係要一個人解決問題.再過一年.

名義上就要係一個"獨當一面"的師傳了.再不能唏下咁過一日.

記得當年去vtc選課時.我選讀電梯的原因係因為舅夫做電梯的.

而且形象不錯.好似個專業人仕而且覺得受人尊重的職業.

事隔4年.雖然不指於和之前的"理念"背道而馳.但亦唔覺好恰對

心情其實真係可以影響一切的.

突然明白這道理.

用眼看和用心看的分別.

一星期工作六日

得一日係屬於自己的.所以做自己野的亦都只有今天

今個星期唔做的.又要等7天之後先可以做.

所以好多野堆堆埋埋都未有時間做(講咩ar~~咪又係懶)

上幾個星期日都出左門.難得今日無門出(其實無街出又難咩得ar?不嬲都無門出ga la)

所以決定收起我"懶得執"的性格.將我d漫畫、cd、dvd一次過捉返曬佢地入監倉(玻璃櫃)

有成2~3個月無理佢地.搞起黎都幾頭痛.不過都執得返正.

而家靚靚仔仔.ok見得來賓.

見仲有時間.仲的起心肝再執多一樣野.

無錯.就係呢個版面la.

雖然個殼變了.但靈魂還是不變.

一樣是Gemma ward.(何英口中的魔鬼怪嬰(大頭).我眼中的當代 icon)

你地覺得今次好d.定係之前果個好d呢?

不過今次一轉又會用上好幾個月了~~~

唔好睇都要頂幾個月先lor~

本人自細對數學都有濃厚興趣

早前比朋友問我一題數學題.

經我左計計,右計計之後,比左佢答案佢.

佢今日打電話黎覆我,話計o岩左.

果刻真係好開心的.我覺得計數有樣野好.

就係有答案.o岩就o岩.錯就錯.唔會有灰色地帶.(好唔鐘意d"o岩d唔o岩d"o既事,邊方面都係)

有時計o岩複雜的數.真係幾有成功感的.好似做到一件大事(但其實又冇ga wo)

Today is happy(其實係昨天的.今日補寫)

今日係我地從巴里回來後

首次再團聚.

有點想念巴里一起玩樂的日子.

有點掛住他們.

早到左.係尖咀又無咩想行.

就行左去九龍公國.

真係好耐無黎過.無5年都有3年.

夜媽媽行仲係第一次添.

夜晚的"九公"真係另有一返景象.

D人好少,好靜,完全無人阻擋,想去邊就行去邊.

行左去睇白鶴.又上左去行人徑

行行下.不經不覺差唔多到集合時間.

咁就諗住行返去la.

點知我D病又發作la.(迷路病)

明明係迷宮出口的地鐵站等.

我就係游泳池出口出左.

結果要施展深藏多年o既秘藏武當絕學--靈波微步

以極速2分半鐘行曬成條parklink.先追得返d時間.

又再一次"未出發先興奮"(未去食野就成身汙,濕曬)

去到Hard Rock cafe

d裝修最係好靚.係樓梯轉角位仲放左4人邦的相(披頭四)

去到坐低.睇下d menu.都幾ok(ok貴,百事一杯都$35)

不過無計la.一班人聚舊.貴d都ok.最緊要坐得耐.傾得耐.

無見一個月.亞sa就黑左."孖win"就剪短左頭鬚.亞威就無咩點變.仲係一個超完美男友.

講講下先知.亞輝原來以前都係做菱電的(師兄ar~~~~)威的工作地點同我又附近(就係隔離乍)

之前係巴里真係唔知."孖win"轉左新工.亞sa原來係酒店做的.好多野都係今日傾談先知.

佢地仲講之前有人試過玩"相體聚餐".講到好搞笑.我地都想去試埋一份.哈~~~.

又講d無聊人點樣監用白車(曾經有個亞婆話食唔落飯,call左白車去醫院.哈~~~)

我地7人一坐低就有傾不完的話題.感覺好像回流返係巴里時的日子.現場又有live band

全晚氣氛真係一流一.d野食又大碟.埋單都係每位$150.

晚餐過後.我地又要各散東西了.........唔知其時又可以好似今日又聚餐呢

我的好朋友

今日一出門都心知不秒.

從睇老細面色得知做人而推敲至睇天氣.

知道今朝個天,d面口好黑.我地做細o既.要做足準備

其實一直返工個天都幾好的.

直至..........

放工時......佢天怨氣出曬黎

d雨"ba ba"聲咁落.

係果刻,根本開唔到傘

如果開傘只得2個結果

一係就反,一係就行唔到.

真ga~~我見到一陣風吹埋黎,3~4把縮骨人仕專用傘都慘被秒殺.

就算唔反.開到傘擋雨(其實擋唔到的)你又行唔到(被風壓住)

我試過開我把"死仕"(特登今日唔用愛傘2nd.唔係實喪命.所以特意帶"死仕"1st出來)

唔夠十秒乍.就即刻骨折la(crazy~)

所以最後都係豁出去.傘都唔開

冒死趕去巴士站.等車時.我成身都係濕的

頭髮仲滴緊水..........上頭巴士諗住一了百了

點知屯門公路塞車.足足up左我成粒鐘d雨.

我feel到我d腳,係被up到脹曬白皮的...........

呢個係我遇到最利害的3號風球

號稱"最強3號"