籌備良久的船河大會終於來臨.

記得是在6月中已經開始統籌的(咁細單野洗唔洗用"統籌"ar???)

期待了2個月了.心情已經ready好曬.

但係尋晚竟然發生左d意想不到的事情.

就係"爽同學"爽快答應出席呢個船河大會.

我當然開心.可以見到呢條"蘇眉".

記得上次見到佢果次.當時d電話都未有得影相ar?而家仲話專業閃燈,光學變焦(真係勁耐)

今日神咁早就起左身.朝氣勃勃咁準備出門.

帶左衫,帶左鞋,帶左52張卡片(緊係la.我係康樂組組長wo)

係巴士上,特然收到個訊息.

原來係............不過唔緊要.

佢都好快到.不過搵佢果時都幾搞笑

好千里尋親同野外定向咁

(你而家係邊ar?你頭頂有冇d咩大型招牌ar?)

(有ar有ar~有明星酒家同利工民ar)

過左陣,2個鄉下人終於係省城遇到.

雖然果時隔開2條街,人係眼中只係一點.

但係一眼就認得出係佢.

因為遲左關係.所以急急腳咁返集合地.估唔到人仔細細都行得幾快wo又.

跟住就回合班長,上勞同學的坐駕出發~~~

尋日成日都擔心今日會落雨.

睇落又唔太差wo.班長話見到彩虹,但係我就見唔到(有點懷疑被騙)

去到西貢.懶醒咁去買早餐.點知醒過龍.

識去買,唔識返.變相搞左個西貢早場一朝遊.

水都未落就濕曬.

亞生同"雙飛& fd"都到齊.

上船出發!!!!!!(今次隻船ok wo.靚過上次果隻)

出到海.天氣靚到無得頂.fit到漏.

今次真係可以同陽光玩遊戲.......

一駛到目的地.班長同亞生就打關斗跳落水,又打關斗跳返上水(假的)

好似失常兒童咁.異常活躍.(講笑乍)

最衰都係自己.唔記得提爽同學帶swimwear同other cloths

無得下水同玩banana boat.不過唔緊要.

我教左佢賭!!!哈~~害人不淺就係我呢亭.

教左<<打地主,鋤partner>>(正確名稱為"鬥地主)

同打馬吊........一艘陽光健康的"太陽游水船".比我地變左做"海上葡京號"....

襯其他d人出左去玩.我地幾個上左船頂傾下計.

今日其實係亞生媽媽剛出院.所以全日見到佢都係少左平日果股power.

佢本來唔黎的,好彩佢亞姨幫手接<生媽媽>出院.

佢先可以忙裡偷出黎同我地玩下.不過我見到佢係有顧慮的.

希望生媽媽快d好返曬.願主保祐!

落返下層.見d食物已經放曬係台面.

係時候吃遊艇大餐la.

除左個pineapple sausage好d外(其實呢個都無得差)

同埋個菜ok dd外.其他真係就......別有風味.

吃完.我問爽同學想玩咩遊戲.佢一口、兩口都決定話玩鋤D???(e~~咁有熱誠o既?)

點知唔玩由只可(好爛的開場oh~)一玩先知落答左.(註:有押韻的)

個鬼靈精連續贏我地3個大男人(輸比個女人仔........好無face)

果刻我終於明點解佢咁堅決要玩呢個game......

勁搞笑lor~又話"比條生路你行下"~~又話人地曬到黑黑的係"豉油雞".

我諗佢真係唔想落船頂......不過多左呢位同學仔.

又係真係幾開心o既.令成個旅程添上好多新色彩(用左爛的開場,仲用埋勁爛結尾.問你死未?)

船程係一片開心輕鬆底下就完結了

跟住我地上返勞同學架車.

係停車場度唔知點解要兜左2個半圈(可能係習俗)之後就駛出深水寶la

幾個都玩到散曬.成程車d人都啞曬.........

去到深水寶.我地去左食米線(我記得上次船河/游水都係黎呢間)

成班人一路食又有講有笑咁.(好鐘意呢個感覺...我覺得有陣時辛苦做野都係為左呢d)

食完,諗住走去搵車站之際.

竟然比精乖同學發現了我的小"大話".瞞不了她.

(對不起,騙了妳)

送埋上車之後.

就坐勞同學車回屯門lu.

有同學有車真好,勁方便~~~

一路上傾回今日好多搞笑野.

傾傾下就到左屯門lor~

美麗的一天~~~完結。

is beautful sunday

若果時間可以回流,我一定會提她帶齊的.同唔講大話

我相信這個sunday is more beautful

事情一旦堆積起來.久而複此.

一件簡單做安的事情都可變作為一項艱辛事務.

就如這個日記網咁.一日唔寫.二日又唔寫.........

唔寫唔寫之下,就真係變左"唔寫"(因為要補回好多日日記)

最後這網頁就咁死亡(我相信好多日記網都係比主人的惰性而鑒生屈死的)

我唔想咁..................

一段感情,一旦累積起來.長年累月.

一對陌生的人,都可化為好友.....甚至情侶.

但如果相方都不向對方表白時.

一次唔講,二次都唔講...........

最後的,都只可維持好友關係.

得到的,只是一個"一世好友"

我唔想咁..................

這幾天本來有很多事想記下的

六月飛霜

人望低處

look齡記

愛傘殉職

bali與石澳

新天空之城..............

以上這些,全都被我的惰性所殺掉,胎死腦中.....

本來寫日記是有mood時才寫的

估不到,在最無mood時才鬥出這篇"日記"

我好在意別人的.好容易比外界小事物影響

由大好的.變成陰暗的.

可能自細缺乏自信的關係.

所以在自己與別人中間築起了幾道"門".

是鎖上的,多過開放的.

號稱為世界第9大不解之迷的施丹愛心頭鎚.

今日終於揭開謎底.

原來當時施生係比對手拉衫不特止.還遭對手接二連三地侮辱家人.

所以才火起頭落.送他一記愛心頭鎚..(原來係咁)

在未知真相前.我是覺得他做得十分不對的.

因為當時全世界也看他.而又是他最後一場賽事.

唔多唔少的球迷都想他贏.劃上一個完美包號.變成日後的神級人物.

但他特然咁樣做.令所有完美的東西都化為烏有.心裡有替他難過的.

但而家知真相.我覺得他不是全錯的.難度要一直容忍下去咩?

(這樣做不是"冷靜""有氣度"睇過uncle bus film都知.呢d叫內弱)

如果叫人"關心"我家人.我也不會容手的.中國人最重事親情的..

他在我心中.仍然是不減的波神~施丹~

今日閒時拍了幾張照片自娛下.

點知回家一看後~~~竟然發現

邪靈ar!!!!!!!!!

有相為証~

(你有看見一個骷髏骨頭嗎?我冇)

(地上彩虹.據說彩虹的盡頭就是這樣的.那寶藏豈不是就在????)

(唔通呢d就係人稱o既"氣"?.聖鬥士稱的"小宙宇?我感覺到好強o既氣ar!}

(你看到嗎?今次我看到了.................)

今日係自有歷史以來.杜氏錦佳第一次出國.

早一晚已做足準備.靜待奇妙的一天來臨.

晨早5時多已起了身,還沒有賴床.出奇呢?

出門前作出最後準備(好有小學秋季旅行feel)

6點正就步出家門.向美麗的假期(對我而言)出發.

預備了充足的時間.本可以先乘輕鐵再轉巴士到機場.

但係最後都係的士轉巴士.個心穩陣d.

7點10分就到機場(7點30分集合).

一入機場就比Daria Werbowy做model的超大廣告吸引.

3支大柱都掛上此香水廣告.呢d就係氣勢la~~

等了一會.班長夫婦亦相繼到場.我地做好手續後.

便入離景區shopping.咩野都無買.(only買左gemma ward做封面的Vogue)

第一次行呢個"商場".感覺幾特別.因為唔知下次幾時會再來shopping的.

乘答"無人駕駛".到了登機櫃位.看見一架架飛機停在停機坪中.

等上機時.一連接了3個電話.

2個(飛&媽)都是講左d一路順風,小心保重說話.

另一個是問我打機事宜(佢唔知我要飛)

上到機.班長好好人咁讓了個窗口位給我.

我真係好開心ga當時.話曬第一次緊係好想坐窗口位.

雖然我冇表明.但心係非常想非常想的.不過被我冷靜的外表藏了起來.

轉了幾個彎.飛機特然加速了.我的心情亦隨著引擎的轉動而急速起來.

加速了幾秒.震蕩了好幾下之後就特然沒有了機轆和地面磨擦的聲音.

這樣.就是起飛了.10多秒就升上了高空了.

升空後.第一個見到的地方就是我最熟識的屯門公路了~~

每天都坐地面看這條公路.今次從飛機高空向下望同一地方.

出奇地新鮮.看得我目不轉晴.像小朋友看見糖果一樣.(嘩~~~正)

在天空上看到的雲.比陸地上看到的是不同的.

很立體,很有層次的.真是不看過都不知道.

今程我地要飛4個鐘由香港去印尼的巴里島.第一次坐飛機真是咩都唔識.

("鄉下仔出城"飛機版咁).唔知可以睇電視的.又唔知原來有個handset可以聽埋聲的.

但我一於少理.一路冷靚(表面)與興奮(心情)地望窗.我的魂魄像被玻璃勾掉了出來.

像撞邪一樣不斷向窗外朝聖.直到飛機餐的來臨.

據前人說.人們第一次食飛機餐.一定要拍攝下來.聽說會帶來好運的.

我都入鄉隨族拍攝了一張.就係咁樣la====>

第一次食飛機餐.感覺很大家樂.係得杯蘋果汁好好飲.

不過都知落曬力.係九萬呎上食到d野都算係咁lor.

經過2~3小時後.我的初次乘飛機的那團火.開始燒盡了.....

訓下醒下.成個人好呆滯.連機窗都關掉了.只待巴里來臨.

再過多一個鐘.開始見到陸地了.那種陸地和香港的很不同的.

很散亂的樓房.很多稻田.那些海水碧藍色的.清晰晶瑩.圍住了陸地.

特然感覺下降了.相信很快就降落.(待績......)

近日地上不時出現不明鮮血.

大家都猜想時貓仔弄傷了.

但是,望一輪都唔覺有傷口.

都唔知發生咩事.

過一排,見到貓仔隻腳有血流出.

細看之下.原來是貓爪過長倒生.倒插進入手.

開頭冇人敢剪貓爪,驚剪襯佢.

過左幾日後.今日我又見貓仔行路又有血出.

我忍唔住拿指甲鉗幫佢剪掉倒爪.

可能貓仔都知我係幫佢.比我捉住時都無乜點郁.

不過果個位真係好難剪.我勁驚剪到佢入肉.

要同另一個人剪手甲都驚la.何況係貓.

要剪左3~4下先剪到出黎.

嘩~~原來真係插得幾深.一拔出黎之後.

個傷口滲血.睇黎佢個樣真係痛.我見到佢咁.個心都好難受ga.

不過希望佢痛一次深少少.唔洗以後長痛la.

佢其實都一把年紀gala.養左佢十幾年.

貓仔~~希望你餘下的貓齡無病無痛la.

唔係的話.我都會痛的.

你的二主人上~!

本人由細到大都有一個破不了定慣例.

就係唔好叫我"夜媽媽"落街做埋曬d小事(e.g 買野,銀行襟機,)

我係非常厭惡的.極不願意.

不過.今日終於被人破左慣例.

一個不可能推的人.雖要我幫手.

不得不硬著頭皮去街口襟機.

最衰成條村.要去到村口先有櫃員機.............

嗄~~~~世上好多野都身不由己,他是.我都是.

沒辦法...

這時正怒氣沖沖地回家時影的.你地覺唔覺有團"火"ar?

其中一個亮燈單位就是我的竇口了.

一直都想影下來的

雖然算不上甚麼珍貴墨譜.

但係對我黎講就真係不簡單.

佢仲要係用箱頭筆寫的.(not毛筆)

我每次見到這張紙我都會定眼望一回的.

我講o既就係呢個======>

..........原來香港咁多臥虎藏龍的.

有幸見到前輩真積.深感榮幸

一對巨影(左邊係師傳.右邊係我)

d亞姐抹到塊雲石牆成塊鏡咁~

今日lunch time借等地鐵坐時.

係月台上.面對面行過一個斯文人仕.

向我報以友善眼光.我望一望佢胸前個黑牌仔.

就知道佢係"神職人員"(坊間稱"邪教徒")

咁我望見知唔係好野.咪唔同佢眼神connect

點知佢行過之後.又翻轉頭wo.

仲坐係我坐的長椅傍.

一黎就自我介紹.仲伸隻手出黎想"o查手"添

咁我係呢個咁大o既地鐵站上.咁多人流.

我相信周圍無十過都有八個望住呢個"傳教士"~~~~同我

咁我係呢個群眾壓力下.咪同佢o查下手lor.

傾落先知.

原來佢地好多傳教士係由外國特意來"宏揚耶法"的.

佢係來自新加玻的.原來佢係自己申請做的.

佢地當作為"奉獻".原來佢地一做就要做2年.

呢2年去邊到係由美國總部批的.

所以你係新加玻人都未必會分發在新加玻做傳教士的.

而且呢2年費用全係自己資附的.如果唔識當地語言.

教會會安排他們去學2個月當地語文.當中包括聖經內容la.

原來男仔19歲就可以伸請做傳教士.而女仔要22歲先得.

今次傾談中.比我認識了許多傳教士的背景.

不過我無比佢傳過教ar.哈~~~因為我係咁問佢野.