Long time no see

軟硬天師.

E~~個擺法咁熟口面o既?

(係ar~~我又一個人係機房eat lunch.都慣ga la)

比多樣野你地睇

This is yellow monster.

我每日就係見住呢d野.幫佢地把下脈.得閒開d藥比佢地食

this is my job

今晚最後一課考試.

考埋呢一科後.

係正常o既機會黎講.同呢一班同學都可能再見唔到面

時間•過得很快.

轉下眼就2年了

係呢2年內.學到d皮毛知識外(本人吸收問題)

另一個得到的.就是識多一個要好朋友"鞋冥"

我地"癲喪一族"又多添一個要員lor.

今日下午都發生左一個小插曲.

因為天文台曾經係下午時發過黑雨.

我地都膽心今晚考唔考得成.

人人都想早考早著.早點解放.

不過天文台好快又解答左我地問題

佢唔係話"各中小學下午不用上課.職業訓練局及專業教育學院將............"

而係話"現正改掛紅色暴...........請...."

都好o既....早點釋放吧~

返到學校.霎時變左英雄人物.凱旋歸來咁(今晚考數學.班衰仔知我數學ok而又唔介意"幫助"別人)

我都知佢地目的係點.不過"讀書不是求分數.合作不是要回報".

有d同學都幾慘ga.搵得好少人工.都係想比d錢比d時間落羅張証書.希望可以升職加少少人工.

人d甚至無工開添.涯世界就係咁ga la.

考試時.都幾順利.亞sir都知我地"搞鬼"ga la.

不過可能時間好趕關係(做完自己果份又要做幾個副本)

好搞笑.d副本有d打回頭.話我錯左.

我睇真d.真係錯左wo.哈~~~~

竟然7x8=52都寫得出.

哈~~証明果時我幾亂呢.

佢地又想早d走.

所以係考試完結前半個鐘走(因為考試完前個鐘之後唔比走)

搞到我覆都未覆過就交左.不過都合格的.

以前我死都唔會咁早ga.點都要做曬佢仲要覆幾次先走.

不過.有d野都睇化左.

識同唔識.唔係用數字衝量的.

考完試後.鬼死咁大雨.

開左傘都濕4成.跟住同班長坐左鞋冥專車"賓士"去左屯門柏麗拆一餐.

本來諗住直去碌齡ga.諗住"就"下鞋冥食完去碌la.

點知佢又話不如打邊爐.(如果打邊爐就無時間錄)

如是者.又"就"左佢多一次.就係咁."就就下"我們的畢業慶典就幾左打邊爐la.

不過都幾好o既.我都未試過3條仔係酒樓咁食法.都幾多野食o既.

就係咁講下食下.咁就完了.鞋冥車我到家樓下(真係送人送到抵ar).

我的一天完結了.課程完了.我的星期一二四晚終獲解放.

666

被人們煲慶了的"大日子".

就好似之前的"2000年1月1日世界未日"."超邪門的潤七月"咁.

都視為極邪門,世界末日降臨的日子.

其實666關咩我地事ar~

係d鬼佬野乍ma.就正如外國人係外國過我地農曆新年咁.(無feel)

人地鬼佬野.係驚都外國人驚先la.

我地呢d炎黃子孫驚都驚閻老闆先la(閻王)

驚咩野撒旦之子???

細細個聽亞媽講果時最多話細時唔聽話死係會同閻生嘆下茶乍

都未聽過話會去同撒旦之子食cake o既.

所以話.香港人.唔洗驚~~~

不過今日呢個日子比d衰佬有最好o既藉口北上.

正所謂"666,返大陸"奉旨的

近黎uncle bus真係紅爆

估唔到小人老母可以寫各大報紙頭條.

雜誌封面.電台仲爭住訪問佢......

搞到好似一個英雄人物咁.

我記得上次的一個香港英雄人物係風帆之后李麗珊.

佢果次奧運奪金凱旋而歸時.各大電台電視台爭想訪問佢.

仲由佢坐船影到佢入村添.

但相比係今次呢個"偽林尚義"

佢小人不特止.擺明係持強凌弱.

借勢是但o龕發花癲.

比網上強勁互send同upload之下(我自己都收過樂次)

再加上報紙周刊頭條摧谷之下.

佢好似就特然變成香港icon一樣.無人不知無人不曉.

d人都唔理會佢之前做過d乜.只當佢係聖人咁崇尚.

有人仲特別幫佢部"寫實紀錄片"配上字幕.加remix.甚至更自設海報.

佢d"叔語錄"更加係"家傳戶曉".

我諗你呢排一日裡面至少但到3次"未解決"同"你有壓力我有壓力".

仲犀利過當年星爺的"波!~柄唔係咁踢的.

今日睇報紙仲話扒王之王請左佢做宣傳.

嗄~~~~

既然佢失業想搵佢

不如佢試下去做無線搞果個"亞叔的接班人"la.

反正之前個個都以為佢係林尚義la.聲又似.

佢d"語錄"又咁勁.人又紅.包保世界杯實個個都爭睇無線.

"嘩~~係開波o既12分鐘

英格蘭o既碧喊一路長推直進.好似我當年係巴士上幫個靚仔補習咁ar.

如入無人之境下.敵方根本無得反擊.

一路帶一路帶.跟住去到禁區la.

碧喊被敵方o既後衛剷跌ar.嘩~~你有壓力.佢有壓力都唔洗剷ar.

碧喊發曬火ar.比我都慶la.咁樣比人剷法.真係你有壓力我有壓力la.

個後衛想同碧喊o查個手解決ar.但碧喊好似話未解決未解決咁ar~~~

e~唔係wo.佢地o查左手解決左wo.

妖佢XX~~都無X用o既條契弟.要未解決先得ma..................."

克勤:'亞叔~我地呢道唔講得粗口ga.呢道唔係巴士ar~你再係咁....."

叔"我妖~~我講乍ma.我有冇真係放條X係佢XX果道ar?X你XX"

克勤".................(火)"

以上純個人推測.不過如果請左就真係差無幾.

最鐘意星期六的下午.

一個人在機房.

一邊聽歌.一邊嘆過期奶(milk)

咬住個酥皮香桃包.再喝一啖100%純蘋果汁

wo~~~relex~

真相其實係一個人食lunch.唔想出去食

咪去ok執d垃圾返機房吽lor~~~

今日本來一早起游過龍舟水.

不過天氣關係.

變左活動去剪左個龍舟頭.

可能太早去關係.幾個髮型師都未返.

得peter(老闆)同ray.

飛就比ray剪緊.

咁我咪?????

最後果然係勞煩老闆操刀(操佢把剪刀)

佢手起刀落.唏唏哼哼咁就搞掂左.

真係比平時果d人剪得快一倍有多.

本來指名要佢剪要成$200.而家不指名一半都唔洗.

早去原來係有d咁o既著數.我見我之後連續幾個指名要佢做電染的.

我賺了~~~~~

回家後.和友人上左新浪鋤D

一鋤就鋤到天昏地暗.一連玩上幾個鐘頭.

係裡面識左2個人.玩完後好像變了好朋友似的.

電腦界的魔力就係咁.可以拉近任何人的關系.

但企遠一步黎睇,又好似固步自封咁......

對唔住各位讀者.好幾天沒登稿.

為各位讀者致歉,小弟無以為報(即係無野陪比你ar!唔好叫我作出賠償ar!!!)

送隻飛機過你地la.~

正所謂前生日的前3日,後3日都係"黃金生日周".

所以係生日周最後一日都要獎勵下自己.

今日決意買入爭議多時的"double U eightonezero I"

想買很久的.終於入手~~~~咁大個仔都係買第2部電話乍.

講比人知都唔信.

夜學果度返學考試.今次完全無難度.

各個都展出自家的法寶.同學又"互助互愛".

所以今次"真係考試無難度.友情是分數"

考完後.去左小巴黎食凍蒙.

果然有水準.依然係咁好味.平價的一個好選擇.

之後本來想去碌齡.點知爆場.

下次先la唯有.....

我地波隱又起曬la...............

罕有地小弟今年有2次生日飯食.

今次係同"金銀夫妻"(又名天生一對)同"飛&茄"同亞笙去食日本野.

間野係熊貓酒店裡面的.由於大家都未去過.所以找了一會才到.

今次我地就坐係刺身桌前.完全睇到曬刺身師傅整好一塊剌身的過程.

我地2話不說.一黎就叫3文魚等刺身先la.

一入口....嘩~~~highclass野真係唔到d.食落去完全唔似食緊肉咁.

好似一舊糕.入口即溶(以前睇到d飲食節目d人用呢幾隻字黎形容食物.

我真係唔多信ga.但係今次食落終於明"佢"既真締)

食完一舊又一舊,一片又一片.

跟住續續繼繼試埋手卷,雞軟骨串.仲有好多好多炸物........

真係一路食一路讚.同幾個朋友都讚口不絕.

我係呢到誠意介紹比大家

間野叫"金田日本料理"

係熊貓酒店內的

超好食~~~~錦之日系首選.

臨走時特然拿了張餐介紹單章走.

我會回來的....

食完後.

同"金"生同亞笙去碌齡.

久違了的活動.

成幾年無玩lor.

一去到頭幾球都有碌落坑.(真係無鬼用)

跟住去到好後尾先記返起點出波.

成局先得果50幾分.勁無面.

我當然死都話要玩多局la.

跟住第2局.第一球就"X"(全中)la

跟住陸續都有"X"同"/".

最後都有140分完場.都有d交代.

我以前最勁果次有180分ga.不過住事只能回味..........

好多謝各人今日咁"就"我la.部我食飯.又陪我玩我最愛的保齡.

小弟無以為報.願來生再做兄弟!!!!!!!!!!

526的一天經過

上,中,下三部曲

(上)

回家後就換衫出了屯門的裡原宿(屯門市中心)同好友逛.

為今晚的約會尋找一間好食肆.

和她尋找過程中.先發覺她忘了今日的"意義".

她以為是平常便飯............

(算把la~~佢工作壓力大乍.我都知佢好有心)

行左陣就同佢坐左係長凳上.一邊傾一邊飲一邊等另一個好友來臨.

等左陣.佢都好快趕來.辛苦曬.要佢趕頭趕命咁飛返黎.

跟住我地就去"預先選好"的餐廳食飯.

呢間餐廳新開的(對我來說)裝修都好高級餐廳feel.

點知人算不如天算.

d野食真係難食到刁轉.

幸好最後都在安然無恙的氣氛下渡過.

果2集傻人.又想同我爭比錢.

佢地都傻o既.咁多年都係比我爭贏.又邊會咁易比你倆出到手ar.

我知你地有心ga la.我地杜家有規矩話唔准洗女人錢ga~~

食完後.行左陣幫助消化.去左超市逛.幾得意的同佢倆行.

和次世代前和媽媽行同一超市的感覺好唔到.

行到咁上下.都差不多了.

齊坐507回家~~~

(中)

送了2隻野回家後.我係輕鐵站等鐵回家.

就係我回生日message之際.對面的輕鐵落下的

一對人.而其中一人的輪廓非常親熟.讓我有離心的感覺.

是她~她久違了我.但我忘不了的她

上天在我生日時帶了她給我

而她在我生日時帶了他給我.

除了帶了他給我.還帶了一個失落給我........

(下)

回到家後.準備了結這一天的心情.

點知媽媽伸出一份黑色包裝的包裹.

問係咪寄比我的.因為收件人的名字和我平時的名字不相同.

所以老人家有點懷疑.那當然是我的.一看還知道是誰人送的.

因為那包裝風格是她的style.

折開後.有幾張postcard,一張寫了祝賀說話的字仔.

仲有一盒又包裝了的東東(包裝內又有包裝.有點玩味成份)

看了頭一,兩張postcard.d靚mood即刻返曬黎ar.

裡面d公仔同仿牌子雖然真係幾無聊.但係我就崇尚這無聊玩意.

之後像拆炸彈般拆開那禮物....

o~~~原來是一個~~~~~~

打開條拉鍊一睇.

e~~~鬼馬la你~~~裡面仲有"料"的

真係估你唔到.真的有驚有喜......

多謝你~~~好朋友.

我都是一個得人恩果千年記的.

你生日時.一定會收到我精心泡制的超驚喜禮物一份的.

到時同先你比過個驚嚇到度~~~

今日的一天.真係"喜成轉合"都黎齊ar.

自18歲開始.都有呢個願望.雖然本年都不能實現.但我今年最大願望仍然是這一個.

藉著這個日記誠心許願