| «‹ November 2020 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
2007 年 5 月 18 日 星期五  |
| 煩? |
分類: 未分類 |
咁快又一個禮拜啦....今日返學都無咩野。係最尾個三堂落左去禮堂睇演示。
一坐就係到3點9,期間幾累呀....坐到個petpet幾痛!!放左學,同呀琴上去搵契爺。
睇完"灰姑娘"之後同埋呀珊落去"紅記"食野。食到7點幾就走人,返到屋企一陣,就要去9龍城接細佬。
返到屋企就係到睇電視!!睇完電視沖埋涼就打日記....
今日媚媚出左黎,不過,星期日又要返番入去!!都唔知會點?
ps:你認為只係你一個煩咩?你知唔知你成日唔(嗲)唔(吊)咁,成日都話唔知唔知係最令人心煩嫁!!
最近都因為你d野而搞到我好煩啦!!俾人罵果個係我,俾人憎果個又係我,仲要幫你呃埋人,好辛苦呀....你知唔知?
我唔出聲姐,唔代表我真係好受,真係咩事都無!!>8< 可能我唔出聲,你地真係唔知我辛苦!!
|
| 2007 年 5 月 17 日 星期四 |
| 心痛是必然的 |
分類: 未分類 |
今日好熱呀.....一路行d汗一路流出黎。><
今日lunch,又係到同duckwing玩,係咁追住姖黎跑((好耐無試過))無計啦,鬼叫d人挑釁我咩。
係咁係到同姖追左半個lunch,當中又有d人幫我手追姖,超正。哈哈.....
放左學,行緊返屋企個陣,媚媚打黎叫我去搵姖。之後返左屋企睇完"灰姑娘"同埋呀琴出去。
落到樓,管x(冬)打黎,原來佢又係去搵媚媚。6點1,2到,去到個到,之後我地3個就一路係咁傾傾傾....
傾到8點,我地就走左。返到屋企就係到睇尹尹借俾我既"宮" 之後9點開飯....食完飯就打日記lu....
To:L先生
我當初真係唔係玩你嫁...我真係有鍾意你,你知道嗎?我曾經因為你流過幾多次眼淚?
情人節你陪唔到我,你知道我有幾傷心,個時仲係我地咁岩一個月,你又知唔知?係,我承認係我花心,對你唔專一。
Sorry,我遵守唔到我地既承諾!!不過,我真係無玩你。信不信由你.......
ps:我知道我自己一d都唔靚,你地所謂既"朱排" 人地要咁講,我無辦法!! 人就係咁嫁啦.... |
| 2007 年 5 月 16 日 星期三 |
心痛落淚  |
分類: 未分類 |
今蕉返學個陣見到你,但你望都無望過我,我知道你仲嬲緊我。算啦,我以經好煩嫁啦,我想靜下!!
今日lunch個陣,同duckwing傾番以前f1個陣,原來係duckwing眼中,我以前係好串咀。
同媚媚一齊打橫行。姖仲話想打我tim。=3= ((我真係好串咀咩?無可能吧?))
放左學,上左去搵契爺。4點幾,呀琴上埋黎,之後食左d野,睇完"灰姑娘"諗住返屋企....
點知,琪琪打黎叫我過去,過到去見到媚爸。去左個到一陣,就諗住走人,點知媚爸話有野問我,唔好走住!!
等到佢做完野,6點半到就俾媚爸問野啦!!>< 問左陣,就走人。
我知道係呢件事裡面我有錯,但都無可能all話曬我吓話,姖自己都應該識諗啦吓話。
一味淨係識得話我,我想搞成咁嫁!!淨係識咩都怪曬我,又唔見你話吓佢。
真係好(倩)冒你,個個都咁鍾意你。你成日都輕輕鬆鬆咁,你估我真係唔想諗野簡單d嫁,你知唔知我真係好辛苦呀? |
| 2007 年 5 月 15 日 星期二 |
| 空虛 |
分類: 未分類 |
今日突然之間好想拍拖.....好想俾人呵護。>3< 傻左....XDDD~
今日放左學,自己返屋企。呀琴打黎話去我屋企,我都唔俾,Because 我唔想。
臨返屋企個陣,係"白宮"睇左場打鬥戲。但都打得唔激既,打下停下,都唔多好睇。
5點半到就返屋企..........之後7點9再出去9龍城接細佬。返到屋企,再帶呀Q落街....
行到9點2就返屋企沖涼,之後睇電視!!
PS:突然很想俾人呵護.....=v= 有d想拍拖仔tim......>o<
|
| 2007 年 5 月 14 日 星期一 |
| 懷念 |
分類: 未分類 |
琴日係母親節,一大清早同左呀爸,呀公同呀媽去左喝茶。呀哥完全係遲曬到囉....食完又係返屋企。
返完屋企著鞋就同埋呀媽呀爸出太子同倩姨姨行街街,我買左札花俾呀媽同倩姨姨。之後陪佢地3老行街街!!
行到3點半陪佢地食完野,就同呀水去搵媚媚。之後8點幾返屋企!!期間發生既事唔想再講,總之就煩啦!!
今日成個人都呆滯,唔知自己想點?放左學,呀琴係咁打黎。之後打番俾佢,原來佢黎左接我。
佢話去搵媚媚,琴日應承左姖。但我話唔去,叫佢同佢呀爸去,姖又唔肯。 之後就黎左我屋企,係到玩電腦!!
8點個陣,同埋呀琴帶呀Q落去散步,但散得個6分鐘就電話到。之後就放低呀Q係屋企,去接細佬,呀琴就返屋企。
返到屋企就睇電視,睇個"師奶冰團"。都好似幾好睇咁.....=v= 咁就過一日啦。
PS:好煩呀....點解煩既野就一定係我受??真係好辛苦呀....
所有既煩事都係我一個人受曬,有無人知道我真係好辛苦嫁? 唉.... |
« | 5 | 6 | 7 | 8 | 9 | 10 | 11 | 12 | 13 | 14 | ... | 80 | »
|
