今日係2005年12月4日!!我一定會記住你今日同我講過既野~

你係12點49分同我講個句野!!我唔會忘記~

你第二次叫我唔好煩你!!OK~我從呢刻起,我雞精決定唔再同你講野,唔再煩你!!

你真係咁覺得我煩既...我以後唔再搵你!!

你個句野...真係好Hurt我呀~>.<  你知唔知呀??

今日成日都沒出過街!!只係落過去買汽水!!

成日係屋企,無無聊聊!!

係到訓覺,睇漫畫,做功課!!之後5點幾開始Online!!

玩電腦,咁就過左一日啦!!  期待聽日既比賽~

大家要加油呀~>.<

Ps:你好耐沒搵過我啦 我有d掛住你~你係咪以經唔記得左我啦

今日一早,我就同呀yan,溫展,傅志,宋嘉城,呀Rain,呀豬同埋Pinky去唱k~

好開心呀~可以同溫展佢地去唱k!! 但...呀Rain好似唔多鍾意我同呀yan去。。。

我地唱到3點...之後我同呀yan出左旺角...以溫展佢地就去打桌球....呀rain個d就話唔知去邊....

我地出到去,去左新之城行!!我買左個袋,>.<個袋好(鬼)..要成$129蚊!!

之後我又買左把梳,買左個小熊維尼耳環!!^^(好得意嫁~)

唉...今日用左好多錢呀~><成$200蚊呀~之後呀yan話要去睇狗仔~

佢話之前呀軒帶過佢去一個地方,有隻野係好似豬,但又唔係豬~

之後我又想去睇下喎...咁咪打呀軒問佢囉!!佢話係花園街隔離~

之後呀yan話唔知花園街係邊??我o曬咀!!我又唔記得左喎....

之後咪打返俾呀軒問囉!!>.<(好囉呀)之後佢問我地係邊個方向,我又答唔出喎...

之後佢叫我地搭taxi~但我地沒聽佢講,我地試下行去~我地行行下..撞到Miss張!!

佢岩岩開完會,準備返屋企!!我地問佢花園街點行??佢教左我地行之後就走左!!

我地行左陣,終於到啦~^^超開心!!我地又搵到呀yan所講既個間店~^^

我地入去睇個隻似豬但又唔係豬既野~我見到真係覺得好搞笑!!

我地睇左陣就走!!返到黃大仙,呀yan話陪佢喝酒~咁咪去囉!!

我地買個d係有水果味既酒!!我買提子味以呀yan就買菠蘿味~

我地坐左係個公園到喝!!我地坐到8點到先走!!之後返屋企!!

返到屋企,見到你add過我!!我咪打俾你囉!!同你傾左陣,我開始唔舒服,好想嘔!!

但最後都沒嘔到!!傾到九點幾,我地先cut線~之後我就訓覺覺~

訓到11點先起身~之後就打日記啦~好想快d到星期日既比賽呀~

Ps:今日見到你都沒咩野!!再沒心跳加速既感覺~相信我以經可以當返你係朋友!!^^

今日勁o咀囉~無啦啦俾佢地傳我同蔡志成有野!!

我同佢根本就沒野!!我同佢只係傾得埋既朋友!!

但...可惜Duck　Wing係咁傳，搞到我都有ｄ．．．．

放左學，我去練波∼ｅ．．．得我一個著體育３炸∼＞．＜

棋他都著波３．．．＝，＝　　今日又係咁．．．

練得好差∼有人玩，有人沒心情。。唉．．．

真係唔知點．．．今日Ｍｉｓｓ講左ｄ野，搞到我喊！！

喊完，我地繼續練波，練到６點幾先走！！之後就返屋企！！

好怕星期日既比賽會輸！！各位隊友，加油呀∼

Ｐｓ：你會當我係水泡嗎？？因為你．．．我唔開心。。。

今日呀yan又沒返學啦!!唉....搞到我要自己一個返學!!       

我自己一個返學個陣,感到有d孤獨!!有d孤單。。。                                             

之後返到學校繼續上堂!!到左3點,放學!!

我諗住去買鞋,但莊莊又要練《二人對話》喎....

呀yan又沒返!!咁咪維有自己去買囉!! 我去左黃心買!!

我挑選左好久,最後決定買對大頭鞋!!                                            

之後就返屋企,玩電腦。。。