你問我，我想上莊係為左咩？
其實一開始，我都唔係好肯定自己係咪想上莊。
只不過聽到身邊既人不斷話上莊有幾好玩，有幾正。
我又真係有啲想試下。
講真，我真係好鍾意成team人一齊做野。
果種拼勁，果種成就感係旁人感受唔到既。
當然，有時候有苦，都只係自己知。
記得中四果年，好多野都同鄧曉晴一齊拍住上。
學生會、辯論隊、關愛、社幹、咩歡送會司儀、oral health、學會、跳舞......
做呢樣，又做果樣，真係好chur。
但係，我唔單只做得開心，仲識到個好好既朋友。
我真係懷疑我地兩個係工作狂，冇職務做，真係有啲唔慣，
我青春，我chur得起。
上到大學，好多野都係一個新既開始。
其實真係有啲唔慣。
講真，我真係好想鄧曉晴可以同我一齊入埋同一個college，同一個hall。
雖然你條友既美貌係會搶左我小小風頭，哈哈哈哈......
因為，我發現，我係大學識到既人，關係都好勉強。
每段關係都係為左識朋友而認識。
有時，明明自己唔係好想同某個人做朋友，但都好似要迫住識下佢地。
可能係因為多個朋友好過自己孤伶伶一個。
其實我真係好唔鍾意人地遲到。
其實我真係好唔鍾意人地講粗口。
實我真係好唔鍾意一啲鍾意出位既人。
實我真係好唔鍾意一啲冇義氣、自私自利既人。
但偏偏佢地就係我識到既朋友。
講返轉頭，我想上莊係想識到一班志同道合既人。
始終中學既同學會有唔同既原因而漸漸疏離。
其實講真，同一間大學，要見下面有幾難？
只是有啲時候總係神女有心，襄王無夢。
經過左四日既o week，我搵到一種歸屬感。燧人！
我地一齊dem beat，我地一齊玩，一齊夜話。
果晚以燧人既身份上去片其他大當家，真係好firm。
雖然企上去，驚到手都震埋。
但係身後既家員跟住我片既時候，真係有好強既backup。
我覺得班莊員真係好正，佢地咁close，好似一家人咁。
唔好話要搵到個好岩傾既朋友，有時，想搵個人食飯都冇。
有時，一個人係宿舍入面，想搵個人吹下水都冇。
仲慘過去左荒島。
今晚，我同你講起想上宿生會既事。
你唔係好支持我。
你問我理想既大學生活係啲咩。
我話要學業同玩各佔一半，唔想再只係讀書。
你問，咁拍拖呢？
我話，咁學業、玩同拍拖各佔30%。
你話，講就完美，但宿生會實chur到爆。
好，我應承你，咁我唔上宿生會。
咁我上一啲冇咁chur既莊。
但係你都唔係咁想。
我只係想講，我好鍾意搞活動，做領袖既角色。
一直以黎，我都係咁，中四中五中六，
大學叫我放棄等於叫隻雀仔永遠唔好飛。
我明白你係為我好，亦都係為左我地段關係既好。
如果，我地同一間大學，真係上一萬支莊都唔驚。
雖然我唔想認命，但係現實要我地低頭。
我亦都只好乖乖地低頭。
我唔想輸，亦都輸唔起。
經過今晚既討論，我決定左上啲學會仔，再唔係就做member 。
去啲學會做下義工、寫下詩咁，都可以好快樂既。
因為，我真係唔想我為左要做野而冇得見面。
我都唔想冇時間做part-time，冇時間陪屋企人，冇時間陪朋友。
好啦，就咁決定 :)
|
