| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2005 年 11 月 12 日 星期六  |
| 今日冇野做! |
分類: 未分類 |
今日除左返學就無無聊聊咁過左一日啦!今日個堂小提琴d功課好難呀,要逐個逐個音咁搵番出黎!仲有今日Cindy同埋1c班既其中一個朋友都唔見左本譜,所以我借左我個本俾Cindy影印!
|
| 2005 年 11 月 11 日 星期五 |
| 好累呀! |
分類: 未分類 |
唉!今日真係累呀!因為今日要取冬季校服!個d校服真係重到死呀!我同Catherine取左校服之後簡直要用哂d力去拿!另外仲有一件事搞到我好累,就係琴日唔夠 "訓",今日又要返學,今晚仲要去酒樓食飯!因為今晚係我太奶奶92歲生日,所以好值得慶祝! |
| 2005 年 11 月 10 日 星期四 |
| 今日心情又驚又喜! |
分類: 未分類 |
今日心情又驚又喜!驚既係因為中史測驗岩岩好合格;至於喜就係因為今日Maths個堂入左禮堂自修,有d人玩琪,有d人做功課......而我就嘻嘻......抄功課!大家唔好誤會呀,我係抄閱讀功課而唔係其他功課!今日有history測驗,我覺得我會合格,但係我唔知幾多分先係合格.因為我唔知幾多分係滿分,真好笑! |
| 2005 年 11 月 9 日 星期三 |
| 今日我好開心呀! |
分類: 未分類 |
|
今日我好開心呀!因為我係P.E.堂個陣做到一個動作!就係有兩條好粗既繩用雙手去握住佢,之後將雙腳向天,做個倒立!有好多同學都做到,不過好多都係要呀sir幫佢地,但係我,Catherine同埋Veann都做到倒立,我真係好開心呀!不過其他同學做唔到倒立並唔代表佢地差,只係一時唔好采,所以我都係因為好采先可以做到!另外今日我擇左一條辮,因為係午飯時間個陣我同Catherine去澆花,但係有個同學俾左一張紙條Catherine,至於個張紙條既內容就係.......唔講得!之後個Alan要拿個張紙,但係唔可以俾佢睇到,所以我就同Catherine互相傳個張紙,搞到我同Catherine全身出哂汗,所以先要擇辮!我一入到課室,個個同學都好驚訝,因為我擇辮個樣太樣衰啦! |
| 2005 年 11 月 8 日 星期二 |
| 今日好慘呀! |
分類: 未分類 |
今日好慘呀!今日最尾個堂P.E.真係俾呀sir玩死啦!佢要我地做四個動作!第一個動作比較易,所以就好容易咁完成左啦,但係都有d同學做唔到,希望佢地聽日做到啦!第二個動作就難d,就係要玩"跳樓"仲要加個360度轉圈,呢個動作都幾難,所以我勉勉強強都算係咁啦!至於第三個動作就再難d,因為要玩"跳樓"仲要雙腳舉高再碰手,我都ok啦!第四個最難,我就連一部分都做唔到,因為冇時間俾我做,其實我就快可以試下做,但係當剩下一個同學就到我個陣,呀sir無端端話停,真係俾佢玩死啦! |
|
