今日無端端要抄"防盜十誡",因為上中文堂個陣跌左個銀包落地下,咁我就諗住下課先拿,點知老師走過黎個陣見到我個銀包跌左落地下就要抄"防盜十誡",真係衰呀!今日有週會,個校長又講埋D好悶既野,搞到我都無心情囉!但係好采,佢講左大約半個鍾之後講完啦!然後就有D高年級既人玩咩辨論,題目係"男仔好過女仔定係女仔好過男仔?"咁我咪無無聊聊咁等佢地講完!最後有個警察姐姐上左黎講"欺凌同性罪行",唔知點解我對呢個題目好有興趣!咁我就好俾心機咁去聽佢講野,講講下就到問問題既時間啦!個陣,好多同學都係度舉手問問題!但係個個同學都只係問D關於性罪行冒問題,其中有D仲講埋D我同Catherine都聽唔明既野,又話咩"一定要入去",總之就聽唔明啦!

唔知道點解今日比平時悶呢!可能係因為今日唔使返學,又唔使做功課啦!但係係中午時,我D小學同學約埋全班同學一齊去玩,所以我就唔係點悶啦!唉,真係擔心中史測驗唔合格呀!因為我之前都冇點樣溫過中史,所以令到我覺得我會唔合格啦!我時常係度想,其實呢個會唔會係預感呀?真叫我擔心呀!

今日我要返學,因為為左學小提琴!小提琴對我黎講係我一直想學既野,我小學個陣就想學,但係因為小學冇得學,所以我一到中學個陣就立刻去學!我知道而家中一先去開始學係遲左D!所以我一開始就決定要俾其他人多幾倍時間去學!