HALO=]
我今日板主起番呢個BLOG呀=]

我有個新日記板,,就係XANGA=]
我XANGA係,,www.xanga.com/kathy_yuen

希望大家可以去下啦,,
THX A LOT=]

今日我開心既原因係因為琴日當我返到家既時候,竟然會有一架"淑女車"係我家外面,當時我心想架車係其他人,點知,原來係我既聖誕節禮物,個陣我開心到跳起,所以我連校服都唔換住,即刻去試試踩,嘩!原來係好好踩!講返今日啦,今日我8:00先起身,當然係早上啦,我就立刻去踩下我架車啦,我用左唔夠30分鐘就已經踩哂[坪洲]東南北灣啦,係唔係好厲害呢?梗係厲害啦,講真嫁,嘻嘻!

下!原來我已經好耐冇寫過日記啦!呢排有好多野要搞,又要測驗又要做project,不過咁多野最搞笑係今日lunch個陣,我同catherine上左"水庫"玩"千秋"!當我地玩玩下個陣有班唔知邊間中學既人好變態呀!佢地個陣係足球場入面踢緊波,突然佢地話"姐姐仔,蕩高d呀!"當時,我同catherine都好驚,因為全場都係得我地兩個女仔,之後catherine就答佢"哥哥仔,你踢高d我地咪蕩高d囉!"之後就冇野啦,突然,又有一班人係同我地一間學校既男仔黎左,佢地琴日都有上黎,佢地仲用足球黎請我地食"波餅"!但係佢地d"球技"好"屎"喎!兩日都係請左我食左兩次"波餅"!而catherine就食左一次!我認得其中兩個男仔,但係唔知佢地係form幾!到左lunch之後,我同catherine要上english堂,就係呢個時候,竟然俾我地見到其中一個男仔,佢係係form2c,至於另一個就係我班其中一個男同學既朋友,佢都係form2,不過佢係2a!

今日真係驚險呀!因為今日history堂派卷,噢!有一個同學唔合格呀,所以呢個同學就做左全班好注意既人!經過我一番分析之後,都係搵唔到佢係邊個!咁梗係啦,邊個自己唔合格會爆俾人聽,仲要得佢一個唔合格,當然唔講啦,咁"魚"!另外今日有件勁搞笑既野,就係原本今日要默書,但係唔知老師係唔係傻左,竟然話唔係今日,係day 6喎,之後經過一番查證,先記得係今日,但係佢又話下一堂先默,不過下一堂係背默,原本係讀默,而定變左做背默,個老師真係賤!

今日我去左長洲,由我所住的島去長洲需要大約一小時的船程!我今日同我d小學同學一齊去長洲,因為今日長洲明愛賣物會,我讀過既小學都有份去,所以我地特地去探下佢地!當我地去到個陣,d老師個個都望住我地,問我地點解會去搵佢地!然後我地行下買下就買左每人一至兩十袋既手信,個d野仲要係勁抵,所以我地個個都滿載而歸!