今日買嘅朱古力.......好苦......

呢排好多測驗,差唔多日日都要溫書,好忙呀......

啲嘢好難,唔溫又驚唔識,總之就好忙呀......

日日係咁溫,就嚟溫到人都傻喇!!!!!

點解啲測驗要迫埋一齊嫁??真係唔明??

迫埋一齊測,溫書會好辛苦嫁......希望快啲過埋今個月......

但係過咗今個月,下個月頭又要測,到時又要再溫書喇!!!!!

今日不停咁做econ功課,唔識做,好難......

經過幾個鐘嘅努力,終於都做晒喇!!!

不過大部分都唔係好識做,希望唔好錯咁多啦......

今日約咗麗華去行市中心,出到去之後就食咗杯雪糕,

食完之後就行去睇衫,不過睇來睇來都睇唔啱,

睇睇吓就行咗去睇嘢食,睇咗陣就再行去睇衫,

睇咗陣就買咗件衫lu!!!跟住就利返去買嘢食,

我哋每人都買咗幾十蚊,買完之後再行多陣就搭車返屋企喇!!!!!

溫咗咁多日書,今日終於測驗喇......今朝早10點半就返到去,

等到差唔多11點就可以入課室,但係入到去都仲要等......

因為啲測驗卷唔夠,結果就等到11點3先開考......

做到12點半就做完份卷,仲有3個字......訓覺又唔訓得好多,

所以就坐喺到唔知做乜,等到咁夠鐘為止......

交咗卷之後,就同嘉然去咗市中心食飯......食完飯兩點幾,

就喺市中心到四圍行,行到唔知幾點就搭車返屋企喇!!!!!!