今日因為要早返,所以好早就要起身呀!食完早餐之後就搭車返學lu!

一返到去就上數學堂,雖然唔係好明佢講啲咩!不過我諗教來教去都係嗰啲嘢!好快就會明嘅!

跟住輪到上呢個life skill都冇咩心機上lu!唯有同啲同學喺到傾計啦!

時間過得真係快......傾傾吓就放lunch喇!

食完lunch之後就要再返去上堂喇!起初上堂嗰陣都仲得嘅!但係上上吓就開始覺得攰喇,

仲好想訓覺添!不過見就嚟落堂,就唯有涯埋佢啦!

返到屋企,都同平時一様,買餸煮飯,食完飯之後,9點幾鐘,唔知係唔係攰得制,

連涼都唔記沖就訓咗覺lu!  

今朝得自己一個人,雖然係好free,但原來係好悶架!剎時間,變得好孤獨,好寂寞呀!

啲fd又返晒學,想搵人傾吓計都唔得呀!本來想落街行吓嘅,但係又得自己一個,好悶架!

所以到咗最後,食完晏......就唯有一路聽住歌咁訓晏覺啦!總好過坐喺部電腦前面唔知做咩好吖!

呢個晏覺,一訓就訓到3,4點,起身冇嘢做就同啲同學仔傾咗陣icq,

之後細佬放學返嚟,係時候要比部電腦佢玩lu!

就喺呢段冇嘢做嘅時間,就睇咗一陣小說,之後就要落街買餸準備今晚餐飯喇!

到咗6,7點就開始煮飯喇!9點幾食完飯,就去咗沖涼,之後就傾咗陣icq喇!

傾到12點幾,就返上床訓覺lu!因為聽日返早呀!

今朝一覺醒來,發覺冇乜嘢做,就拎咗本小說嚟睇,起初都唔明講咩架,不過好好彩睇睇吓都明喇!

睇咗一陣小說,就係時候要食嘢喇!今餐真係食得飽呀!

食完飯冇嘢做,就唯有喺屋企到發夢,一直咁發,直到6,7點就去煮飯喇!

飯後冇乜嘢做,就陪咗阿爸出去兜風,兜到11點幾就返屋企沖涼lu!

之後就同個fd傾咗陣icq,send埋啲歌比我之後就上床訓覺喇!