琴晚掛住諗嘢,諗到3點先至訓得著......

今朝7點鐘起身,食完早餐就出門口返學,落到樓下就有車,唔洗等,真係好呀!!

返到學校就上英文堂,對功課,默書,兩個鐘後就落得堂,跟住就上life skill堂,好鬼悶......

落堂之後就食lunch,因為出面凍,所以就去咗canteen到食,食完仲有時間淨,就去咗圖書館到坐咗陣,

坐到夠鐘,就返去課室到上堂lu!!成堂中文堂都喺到傾計,都冇乜點上過,

跟住上多兩個鐘就放得學,返到去就買打邊爐啲嘢,返到屋企就洗嘢,洗完就啱啱好食得,

食到9點幾就走咗去沖涼,跟住就玩電腦......玩到11點幾,就返上床訓覺lu!!

今日返學返11點半,所以可以喺個暖笠笠嘅被竇裡面訓耐啲lu......

訓到10點幾先起身,跟住就開著部電腦聽歌,聽到夠鐘先出門口,落到樓下等咗陣有車上,

去到西鐵站嗰陣就撞到耳栗,咁就同佢一齊搭車返學,去到2樓嗰陣就見到nicole同candy,

佢哋問我去邊個課室到上堂,但係個課室有人用緊,所以就去咗教員室到搵miss,但係嗰到啲人話佢已經去咗上堂,

所以我哋就上咗去4樓到,睇吓見唔見到miss佢......上到4樓嗰陣,miss啱啱喺課室到行咗出嚟,

咁我哋入到去等齊人就開始上堂lu!!上咗1個鐘就放得lunch,因為出面凍,所以就喺樓下canteen食,

冇出到去買,食完就返返上課室到上堂,上咗兩個鐘就放學lu!!

跟住就行去搭車,等車期間,就打電話比呀爸問佢今晚想食乜,佢話想打邊爐,所以我返到去就去咗街市到買嘢,

買完返到屋企就洗晒啲嘢先,跟住就走咗返上床訓覺,仲訓到唔記得咗起身,要呀爸叫醒我起身整嘢,

我哋食到10點幾先至執嘢,不過都係得我自己一個人執晒......

總括今日嘅心情......

     成日都好想喊......

今朝6點幾起身拎咗個電話去叉電,然後就返返上床訓覺,訓到9點幾,呀爸佢突間同我講嘢,咁我先至起身,

起身嗰陣,覺得凍咗少少咁啦!!同琴日冇乜分別......

咁跟住就走咗揀衫著,要諗好多嘢呀!!著得少,又驚夜返嗰陣凍,著得多,又驚熱,所以揀咗陣先至揀到......

跟住呢,就出門口落樓下搭小巴lu!!落到去等咗陣先有車,架車冇乜人上,所以又要等多陣先開得車,

原本諗住自己會遲到啦,點知反而仲早咗好多到,跟住就打咗電話比candy,我仲以為自己記錯時間添!!

等咗一陣,就見到nicole同joline佢哋,跟住就同佢哋一齊上咗去neway到等埋其他人嚟,

等齊人就去開咗間房l,我哋入咗去一陣,ar ka同小春就嚟到,咁我哋就點咗嘢食先,然後就開始唱歌喇!!

我哋仲差啲唱到唔捨得走添!!唱完嗰陣兩點幾,咁我哋就行去巴士站到搭車出旺角,

行去巴士站途中,我就打電話比天龍,約佢喺旺角到等,出到去都3點幾lu!!

我哋就行咗旺中先,行行吓,ar ka就走咗,行完旺中,nicole同winnie佢哋話要走先,咁就同咗佢哋兩個去搭車,

跟住我哋自己就繼續行,行到咁上下,見到之前啲中學同學,不過都冇同到佢哋打招呼......

行到7點幾,就去搵巴士站搭車返屋企,本來就諗住食埋嘢先返去嘅,不過見到有車嚟緊,唔食lu!!

天龍佢送埋我上車,佢先至走,上到車就同佢傾電話,傾到佢返到屋企就冇再傾lu!!

返到屋企8點幾,煮唔到飯,所以淨係買咗杯麵返去比佢哋食......食完就飲咗啲湯,跟住就去咗沖涼,

沖完涼就睇電視,玩電腦,仲有食嘢添!! 跟住,打完日記就走去訓覺lu!!

今日訓到差唔多3點先至起身......但係都仲想繼續訓,唔知點解??

跟住就去咗煮嘢食,食完嘢,又同呀妹過咗市中心到買校服,今次係同佢買運動衫,

買買吓,個電話突然間用得返,好開心呀!! 買完校服之後,就去咗影貼紙相,

影完就返去屋企到lu!!返到去,等埋呀爸返嚟先至去買餸,呀爸話今晚打邊爐喎!!

咁就同佢去咗街市到買,買咗成幾百蚊......返到去就洗晒啲嘢,7點幾就食得lu!暖笠笠呀!!

我哋食到差唔多10點先至執嘢,有好多嘢要執呀,但係冇人幫手......  要我自己一個執晒呀!!