今日雖然係唔洗返學,但係都早咗起身......

因為今日約咗麗華返去中學到拎返張會考証書,所以就要早啲起身,準備啲嘢,

1點幾返到學校,就去咗校務處到,拎完仲要寫返啲資料,咁跟住就走得lu!!

不過都要對返張証書啲資料,睇睇吓,發覺有啲嘢好似印錯咗,咁我就勁緊張啦......

唔知點好,不過好彩有麗華喺到,佢叫我唔好咁緊張,返屋企睇吓之前張成績單先,可能係我自己記錯咗,

咁跟住就去咗教員室到搵返之前個班主任,諗住請佢食飯,因為佢今日生日呀!!

點知道已經有人叫咗佢出去食飯lu......  咁我就send咗個message 啦!!

至於請食飯......要遲啲先可以補返比佢lu!!

咁跟住,就同麗華過咗銀座到食晏,我哋叫咗好多魚生食呀!!不過食食吓,突然間諗返起謝師宴嗰件事,

咁就驚到唔想再食喇,飲完杯嘢就走lu!!

跟住呢,就行咗街,仲買咗好多我鐘意嘅嘢,好開心呀!!.

行到4點幾就返屋企lu!!返到去就第一時間就緊係睇返張成績單先啦,原來張証書冇印錯到,

係我自己大頭蝦記錯咗,仲等我之前咁緊張,嚇親麗華佢添,真係唔好意思喇!!

今朝早晏咗起身呀,訓到差唔多9點先至起身,諗住實會遲到啦,點知就喺呢個時候......

阿爸咁啱起咗身,佢話車我返學喎!!咁呢,跟住就連早餐都冇食到,趕住出門口lu!!

上到阿爸架車,都仲係好眼訓,咁就訓咗一陣啦,到咗先至起身,但係唔知係唔係未訓醒,

覺得好似暈暈哋咁......咁就暈吓暈吓咁行返去課室到,返到去已經遲咗少少喇!!

今堂淨係印啲電腦功課出嚟交,都冇乜嘢做......

上完呢堂,跟住就上數學堂喇,今堂計啲數好簡單,差唔多題題都識做,上完呢堂就放lunch喇!!

lunch過後,仲淨返好多時間,咁就成班去咗圖書館到坐,過咗一陣,麗華就嚟咗搵我,

不過過咗陣就要上堂喇,咁就返去課室到lu!!

上咗一個鐘堂,就要去另外一個課室到考試,今個考試......好簡單呀!!

考完試,放咗學,就落咗禮堂,幫nicole整開放日啲嘢,整晒先至走,嗰陣都6點幾喇,天都黑晒,

不過阿爸話嚟車我返去,咁就慳返啲車錢......

返到去,因為太晏喇,買唔到餸,所以就叫埋啲細佬妹落嚟,去酒樓到食lu!!

返到屋企,好眼訓,所以沖完涼,打完日記就訓覺lu!!

今朝早返學嗰陣落雨,搞到人哋要帶把遮返學,返到去學校上嗰3鐘堂,好悶......

所以就同麗華喺到send sms,send到勁開心!!

lunch過後,就返去上中文,今堂要我哋打電話去啲機構到問嘢,好好玩!!

上完呢堂3點幾就放學lu!不過未走得住呀,要留喺學校到幫nicole手整openday啲嘢,

喺差唔多整完嘅時候,麗華就嚟咗搵我傾計,同佢傾到好開心呀!!

傾到差唔多6點先至走,嗰陣已經冇落雨喇,今朝帶嗰把遮都用lu,早知道就唔帶,因為唔想拎呀!!

今朝9點幾起咗,訓唔返,所以就落咗樓下買報紙,返到屋企,做咗陣功課,就傾咗陣icq......

跟住就去咗煮嘢食,食咗一陣,麗華就打電話嚟陪我傾計,我同佢傾咗好多嘢呀!!

不過佢要返學,所以傾傾吓就冇傾喇!!我都繼續做返自己嘢lu!!

到咗4點幾,啲細佬妹就放學返嚟lu,咁我就唔洗再自己一個喺屋企,但係佢哋返到嚟,淨係得個嘈字,

想做吓自己啲嘢都唔得,真係唔返好過返......

今朝早10點幾起咗身,就比阿爸叫晒我哋落街飲茶......叫咗好多嘢食,食到好飽呀!!

飲到12點幾就去咗新虛到買嘢,買完就返屋企lu!!

返到屋企之後,見冇乜嘢做,就開咗部電腦做功課,做做吓發覺唔係好識做,就冇做到,走咗去搵嘢食......

睇咗陣電視,就坐咗喺張櫈到訓著咗......訓咗一陣,就比阿爸叫醒咗,同佢一齊落街買餸,

返到屋企就開始煮飯,9點幾食完飯,就陪屋人落咗樓下買嘢,

返到屋企諗諗吓嘢,突然間好想喊呀......不過呢,有人話喊得多唔靚,所以就忍住冇喊到lu!!

跟住呢,同倩盈傾咗陣電話,開始覺得眼訓,就返咗入房訓覺喇!!