今日本來呢,就唔洗返學嘅,不過因為聽日要考oral,所以我哋都差唔多成班返咗去練,

miss幫我哋練咗好多次,又比啲錄音帶比我哋聽,我同jolie練咗咁多次,

次次講到電話嗰陣,都啱啱好夠鐘,完成唔到,不過到咗最後,我哋終於都有一次成功喇!!

我哋仲約咗夜晚喺電話到再練過,希望可以再練得熟啲......

練到12點半就可以放學喇,所以就同咗麗華佢哋去咗市中心到食晏,

我哋去到之後,就去咗美食廣場到坐,諗住喺嗰到食嘢,不過我哋淨係掛住傾計,冇食到嘢,

跟住我哋傾到咁上下,就走咗去貼紙相,不過唔知點解影咗出嚟個樣都唔似我嘅??

影完之後,佢哋仲送咗我返屋企,仲陪埋我去買餸添,好開心呀!!

返到屋企就煮飯,7點幾就食得喇!跟住到咗8點幾食完飯,咁就諗住抖返吓啦,

點知道就喺呢個時候......最細嗰兩兄弟,唔知喺到玩緊咩,無端端有一個喺到喊,

咁我就問佢哋發生咗啲咩事啦,原來佢哋兩兄弟喺到玩螢光棒,玩到入面啲嘢彈咗入隻眼到,

所以就痛到喊,咁我嗰時又好驚,驚到差啲想喊,唔知可以點做,咁就即刻打電話比阿爸,

睇吓佢幾時返嚟......返咗嚟之後,就即刻送咗個細佬入急症室,好彩睇完之後,個醫生話冇咩事,

咁我先冇咁驚咋,我之前好驚佢隻眼會睇唔到嘢呀!!就係咁,搞到11點幾先返到屋企,好攰......

本來仲諗住同jolie練oral添,不過宜家練唔到喇!!希望聽日大家都可以順利完成個考試啦!!

今日返到去就上咗兩個鐘數學堂,然之後就上life skill堂,上完呢兩堂之後,就上英文堂,

呢堂英文堂,miss就幫我哋練oral,我同jolie練咗兩次,兩次都唔夠時間,好失敗呀!!

上完呢堂就放lunch,食完lunch之後就返去中文堂,上咗3個幾鐘,都差唔多係喺到傾計,

成班女仔圍埋一張檯講心事,傾到好開心,都冇乜點上過堂,

淨係知道今堂miss幫我哋溫返之前啲嘢,因為過兩日就要考試lu!!

跟住放咗學,返到屋企之後,就走咗入房訓覺,訓到7點幾先至起身,

起身之後就食飯,食完就睇電視,跟住睇睇吓就走去攞蘋果食,好好味呀!!

今朝早訓到11點幾就起咗身,見冇乜嘢做,就去咗搵嘢食,

食完嘢之後,就同麗華傾咗陣電話,傾咗陣,因為有嘢要做,所以就冇再傾喇!!

咁跟住就出咗去長沙灣,因為有啲嘢要做呀!!跟住呢,就去咗食嘢,食完就返屋企lu!!

返到屋企,睇咗陣電視,就訓著咗......訓醒之後,阿妹無端端問我聽日去唔去迪士尼玩,

我問返佢做咩咁問,佢就話佢有個同學有迪士尼啲入場卷,所以就問我聽日去唔去,

不過好可惜我聽日要返學,去唔到lu......

琴晚睇電視睇得夜過頭,搞到今朝訓到好晏先至起身......

起身冇耐,連嘢都未食,就比阿爸捉咗出元朗陪細佬買校服,賣校服間嘢好多人,等咗好耐先買到,

買完之後,車咗細佬返屋企,跟住去買咗個包食,就要出去將軍澳,因為有啲嘢要做......

到咗4點幾就返到去屯門,之後就去咗食嘢,食到5點幾先返屋企,

返到屋企冇嘢做,咁就訓咗陣覺,覺醒就去咗煮飯,跟住食完飯9點幾,又比阿爸捉咗出去喇,

不過今次唔係陪佢出去做埋晒啲無聊嘢,係陪佢出去買嘢,不過係點都冇所謂啦!!

唔知道今日係唔係凍呢,訓到差唔多1點先至起身呀!!喺梳化到坐咗一陣,阿爸就叫咗細佬同阿妹落樓下買M記上嚟食,

不過我冇食到,因為唔係好想食,所以就自己一個坐埋一邊睇電視,睇到兩點幾左右,就搵埋阿妹捉阿爸落元朗,

出到去行咗陣,就買到自己想買嘅嘢lu!!跟住阿爸話我冇食到晏,所以就同咗我去食嘢喇!!

食完嘢行多一陣,就返屋企,因為都冇乜地方行lu!!

返到屋企就開始煮飯,洗嘢嗰陣,feel到啲水好凍呀!!  雖然係咁,但都係要洗......

跟住到咗8點幾,就食得飯喇!!食完飯9點幾,就抖咗陣,不過呢,到咗10點鐘左右,又比阿爸捉咗出去喇!!

出面真係好凍呀,仲凍過今朝!!跟住到咗11點幾先至返屋企,返到去就睇電視,

我諗今晚應該又會好似上個禮拜咁,睇到好夜先會訓lu!!