今朝早11點幾起身,跟住就開著部電腦嚟玩,玩咗陣就煮嘢食,一面食一面睇電視,

完就繼續玩過,玩到1點幾,兩個細佬就返到嚟,咁我就走咗去煮嘢比佢哋食,

佢哋好鬼煩,食食吓又唔,剩返晒喺到......跟住冇理到佢哋,繼續喺到玩電腦,

咁佢哋就自己走咗入房玩,佢哋玩到3點幾就落去補習,剩返我自己一個喺到,

玩到5點幾先至冇玩,走咗入房到,過咗陣就落街買餸,買咗好多嘢返去,

今日雖然係兩個細佬嘅生日,但係都冇同佢哋慶祝到,好似冇人記得咁,一啲都冇提到,

今日兩個細佬都唔知做咩嘢,煩到拆天,又不停咁嗌交,叫極都唔聽,就嚟比佢哋兩個煩死......

今朝早8點起身,之後就去整嘢食,食食吓就嘉然就上咗嚟,跟住就開咗部電腦嚟玩,

玩玩吓呀爸就返咗嚟,咁我都出門口搭車返學lu!!返到去遲到,遲咗成半個鐘,

跟住就開始上堂,miss喺到教考試啲嘢,12點半就放學,放咗學就返屋企,

返到去屋企樓下,就咁啱見到呀爸,佢叫我等埋佢一齊食嘢,上到屋企等咗陣,

兩個細佬就返到嚟,嘉然坐咗陣就走走lu!!跟住兩點幾就落咗街飲茶,

食到3點幾就返屋企,返到去就打電話,跟住就上咗床訓覺......

今朝早嘉然打電話嚟叫我起身,跟住就同佢喺到傾電話,傾傾吓就走咗去睇電視,

睇到咁上下,覺得有啲肚餓,所以就走咗去煮嘢食,一面食一面等嘉然上嚟,

佢上到嚟食完嘢,坐咗一陣,我哋就出去搭車過市中心到,出到去就同細佬交飯單,

之後再去埋第二間銀行到打簿,打完簿就行路返去學校,返到去上中文,上咗兩個鐘就放學,

跟住就同嘉然行咗去市中心到食嘢,食完就搭車返屋企,返到去比咗條鎖匙細佬,

又要出過去市中心到,今次出去銀行到攞錢,跟住就搭車返屋企lu!!

返到去就買餸,買完返到去冇門口入,又要落過街,問細佬拎返條鎖匙,上上落落,好鬼攰......

返到去屋企,就開始煮飯,8點鐘就食得,跟住食完飯睇咗陣電視,就同陪呀爸出咗市中心到睇電話,

睇完就去咗買嘢食,買完就返屋企,返到去又忙過,又有好多嘢要做,忙到停唔到......

就係咁就做咗成個鐘,跟住先至有得去沖涼,不過沖完涼又要再洗多次衫,洗衫期間就走咗去玩電腦,

玩玩吓又要走去晾衫,好忙呀......跟住就玩返電腦,玩到1點幾就返房訓lu!!

今朝一早7點半起咗一次身,之後就訓返覺,一訓就訓到差唔多兩點先至起身,

仲要係比人叫醒添,如果唔係都唔知訓到幾點lu!!換完衫就同呀爸落咗樓下買嘢食,

買完之後,呀爸就揸車出去深水埗到,出到去就拎咗部電腦去整,嗰到好多人......

之後就行咗過去鴨寮街到,行咗陣,嘉然就打電話嚟話佢到咗,咁就過咗去搵佢,

搵埋佢就一齊去咗食嘢,食完嘢就去拎返部電腦,之後呀爸就揸車送咗嘉然返屋企,

跟住我同呀爸就出咗去銅鑼灣到,接埋細佬一齊返屋企......返到去因為太晏,

買唔到餸煮飯,所以就買咗幾個飯盒返屋企食,不過買得多得制,食唔晒,就咁擺咗喺張枱到,

之後就去咗睇電視,套電視劇好好笑,睇完電視就同埋呀妹一齊,幫細佬做功課,

做完就玩電腦,跟住到咗唔知幾多點,最細嗰個細佬就無端端拎咗嚟食,佢食完我哋都唔知,

過咗陣先至發覺,搞到想食都冇得食......

今朝早9點鐘返到學校,返都去都冇人喺到,等咗陣miss先到,入課室之前要睇咗個坐位表先入得,

入到去坐咗陣,ar zam返到嚟話坐我錯位,所以就比miss叫咗去最後嗰個位坐,勁自閉......

考完reading之後,miss話可以坐返之前個位,好開心......考完試,就同嘉然,麗華,呀哥,

仲有呀哥嘅家姐,一齊過咗去市中心到食晏,食完坐咗陣,之後就四圍行,

行完就搭車返去,跟住喺西鐵站坐咗陣就返屋企lu!!

返到去比呀爸叫咗去食M記,食完就買咗對鞋,跟住就去咗剪頭髲,剪完就買嘢返屋企煮飯......

食完飯就走咗洗碗,啲水好鬼凍,同冰水冇乜分別,洗碗洗到隻手好似冇晒知覺咁,

洗完之後隻手仲紅晒.....跟住睇咗陣電視就去咗沖涼,之後再睇過電視,睇咗陣就玩電腦,

玩咗陣,呀妹就去咗整爆谷食,食完又再睇過電視,睇到兩點就返返入房訓覺