今朝早8點幾起咗身......食完嘢9點鐘到,就落咗樓下等呀爸,等緊佢嗰陣,勁喺到吹風,吹到頭都亂晒,

等咗成3,4個字先至等到,跟住就陪咗佢過山景一陣,之後就出去長沙灣到交資助份嘢,

交完就搭車返屯門,去到天水圍,咁啱喺部車到見到麗華,咁就同佢一齊過去新虛到唱k,

我哋去到唱咗陣,呀哥同天龍就嚟到,唱到4點就走,跟住就走咗去市中心到行街,

行到咁上下就去咗m記食嘢,食完再行多陣就搭車返屋企lu!!

今日訓到12點,起身之後就走咗去做功課,做到兩點幾就成家落咗樓下食嘢,食完就返屋企,

返到去呢,冇嘢做呀......等咗陣就有得玩電腦,玩到4點幾,就比返部電腦比細佬玩,

咁我就走咗入房到,同天龍傾電話......傾到咁上下,因為要落街買餸,所以就冇傾lu!!

返到屋企就煮飯,煮到咁上下,就突然間諗返起要打電話比麗華,打完比佢就繼續煮飯,

煮到7點幾就食得,食到8點幾就執嘢,跟住就同倩盈傾咗陣電話,仲約咗佢星期二去街添!!

傾完就去咗沖涼,沖淙等咗陣就有電腦玩,一面玩一面食嘢......

今朝唔知幾多點嗰陣,無端端比呀妹嗌醒咗,問我攞錢,咁我就叫佢自己拎啦,答完佢就訓返覺,

跟住就訓到12點鐘先至起身......之後就走咗出廳到睇電視,睇咗陣就走咗去煮嘢食,

食完嘢抖咗陣,就走咗去洗衫,之後就玩電腦,send咗啲歌比人......

玩到咁上下就比返部電腦細佬玩,跟住就自己走咗入房到睇電視,仲諗咗好多嘢添!!

等到呀妹返到嚟,就同佢一齊落街買嘢,買完就返去屋企lu!!

琴日玩得興奮過頭,今朝起身嗰陣,成身散晒咁,好攰,好似打完扙咁,仲攰到唔想起身返學添......

返到去就上英文堂,好眼訓呀,不過都挨完晒兩個鐘,落堂後就上sao堂,今堂講啲嘢好無聊,

講咗一個鐘就落堂,之後又要補多一個鐘英文,先至放得lunch,食完就返去上多堂數學,咁先至放得學,

放咗學返到屋企就訓覺, 訓到夠鐘煮飯先至起身......

食完飯就沖涼,抖咗陣就有電腦玩,一面玩一面食嘢,跟住幫呀爸打咗個電話,就繼續玩過,

成班人喺到傾msn,但係傾傾吓又唔聲,勁搞笑...... 跟住呢,傾到12點幾,就返入房訓覺lu!!

今朝6點幾就起咗身,食完早餐,就去執歷奇啲嘢,7咗點半就出門口,啱啱去到西鐵站嗰陣,

winnie就打電話比我,問我去到邊到,上到車,佢就叫我喺朗屏站到落車,等埋jolin先至一齊上車,

等咗陣,佢就嚟到,嗰時啱啱好有車,上到車就打電話比ar ka,我哋喺元朗站到搵埋佢,

跟住就4個人一齊搭車去美乎到轉車,去到美乎,我哋就行去轉地鐵,天龍已經喺嗰到等緊我,

上咗車之後,搭咗幾個站就到,出咗地鐵站門口,就去咗小巴站到等車,等咗陣就有車上,

坐咗陣就到,去到嗰陣就去咗canteen到搵埋其他同學,一齊去集合地點,

入到去就點名,派locker鎖匙,之後就成班去咗locker到放低啲嘢,跟住就開始今日嘅係呀活動喇!!

第一個活動就係做咗熱身,之後就玩攀石,我跌咗兩次落嚟,先至完成到,

跟住就走咗條唔知咩橋到玩,玩完就又玩行鋼線,跟住就過咗去巨人牆到玩,總共有五層,我哋分咗六組,而我係第二組,

頭三組輪流著安全帶,之後就開始得,等第一組玩之後,就到我嗰組玩,首先就扣好安全帶,

之後就可以開始玩得lu!!上到去第二層嗰陣,我差啲比呀哥扯咗落去,嚇死我呀!!

跟住就自己爬返上去,冇事lu!!繼續玩......到咗最後,我同呀哥上到去第4層,咁就夠鐘,冇得玩lu!!

我差唔多全程都喺到嗌呀,落到地下仲有啲驚......等埋其他組玩完,就放得lunch喇!!

食完lunch就返去繼續玩,有獨木橋同跳台,本來淨係可以玩一樣,但係我兩個都玩晒,

首先玩獨木橋,我係第一個玩,一啲都唔驚,仲行得好快,好快就玩完lu!!但落返嚟嗰陣,我心急得制,

未聽清楚指示就跳咗落嚟,搞到自己半天吊,仲差啲喊......吊咗成分鐘,先可以上返去嚿木到,咁先可以落返地,

玩完呢個抖咗陣,就玩埋另外嗰個,個教練未話開始,我已經自己爬咗上去條梯到,跟住就比佢叫停咗,

又要再爬多次,我好快就上到去個台到,我一上到去就好有衝動咁,想即刻跳過對面,點知比個教練叫住咗,

佢叫我介紹自己同講目標,我淨係講個名,之後就跳lu!!呢個嘢好好玩呀,仲好想玩多添!!

玩完呢兩個,就走咗去行樓梯,來回差唔多成1500級樓梯,仲行到暈吓暈吓咁......

行完樓梯返去就玩過另外一樣嘢,我唔記得叫咩名lu!!淨係知道要成班合作,將啲人抬上去個台到,

我哋傾好晒之後,就開始玩lu!!我比人抬上去嗰陣,未企定已經比人抬咗上去,上到去都唔知發生過啲咩事咁,

總之就好快啦......我哋好快就完成晒,就係咁,今日嘅活動就玩晒喇!!

玩完之後,我哋成班就坐咗喺草地到,分享自己嘅感受,講晒再填份問卷,就可以返屋企lu!!

經過今日嘅活動,發覺我哋班原來係咁團結架,而且仲好似friend咗好多咁......

今日之所以可以好順利咁完成晒所有活動,真係要喺到多謝班同學仔呀!!

總括今日嚟講,真係玩得好開心,而且我仲由頭嗌到落尾添!!