琴晚睇電視睇得夜,所以今日訓到差唔多1點先至起身,傾咗陣電話,就落咗樓下食嘢,

食到兩點幾,就去咗百佳買煲湯啲嘢,跟住先至返屋企,抖咗陣......呀爸就執屋,而我就喺廚房到煲湯,

搞煲湯啲嘢搞咗成個鐘,先可以開始煲,煲咗個幾鐘就熄火,等夜晚再煲多次,

咁跟住我都幫埋手執嘢,執咗勁多嘢出嚟,發覺執咗出嚟啲嘢都冇用嘅,勁多垃圾......

執完屋,就同麗華傾咗陣電話,仲約咗佢聽日去唱k添,傾到咁上下就要去煮飯lu!!

到咗7點幾就食得飯喇,首先就飲湯,今晚煲湯好好味呀!! 仲飲咗好多碗添!!

食完飯之後,我又坐咗喺張櫈到訓著咗......

今朝早11點幾起身,本來就諗住同呀妹去買校服嘅,不過......因為今日冇人喺屋企睇住最細嗰個細佬,

所以最終都冇去到,留返喺屋企過,跟住睇咗陣電視,就去咗煮嘢食,食完嘢,傾咗陣icq,

之後就走咗入房到睇電視,睇睇吓就訓著咗lu!!

跟住訓到5點幾就搵埋呀妹落街買餸,因為今日仲要買米,得我自己一個拎唔到咁多嘢,

買完返到屋企,就開始煮飯,煮到咁上下,呀爸就返到嚟lu!!佢仲買咗好多餸返嚟,

令到今晚餐飯豐富咗好多,仲食到好飽添!!食完飯之後,就出咗市中心到買嘢,買完就返屋企,

返到屋企就睇電視,一路睇一路食嘢,跟住就傾icq......

再跟住就睇電視,睇到兩點幾先至訓呀!!

今朝早返去上嘅英文堂,淨係幫我哋對返之前啲note,同講咗啲生字,咁就上完lu!!

之後上嘅就係sao堂,今堂用咗大約1個鐘講有關吸煙嘅嘢,講完11點半就放得,

跟住就去咗圖書館等埋麗華一齊去食lunch,今個lunch有成4個鐘,所以我哋就過咗市中心到食,

食完之後,傾咗陣計,就去咗買糖食,之後就返去學校到lu!!

返到去就考中文喇,份卷都算幾簡單,有好多都識做,考完就放得學,可以返屋企喇!!

返到去就煮飯,8點就食得,食完飯一陣,就坐咗喺張櫈到喊,不過喊都冇人理......

咁跟住發生嘅事呢,唔想打lu......因為諗起都想喊!!

今朝返到學校,上咗兩堂之後,就去咗308室到練oral,練咗1個鐘到就放lunch,

食完lunch之後再返去練過,又係練咗1個鐘,練完就要考喇!!

入到去個課室到搞錄音啲嘢,咗成半個鐘先至開始考,part a我哋都可以好順利咁完成到,

但到咗part b嗰陣,我講得快過頭,搞到jolie寫唔徹,真係唔好意思呀!!

不過到咗最後,我哋都可以喺3分鐘之內完成到,但我都係驚累咗佢......有啲唔開心呀!!

考完就放得學lu!一返到屋企,就返咗上床訓覺,一直咁訓,訓到7點幾先至起身煮飯,

跟住食完飯就溫咗陣中文,因為聽日又要考試喇,呢兩日真係好忙......