今朝早6點半起咗身,叫兩個細佬起身,不過佢哋好鬼煩,叫極都唔醒,

跟住就索性唔理佢哋,返返入房到訓覺......訓到12點幾起身,就打電話比嘉然,

收線之後就開咗電視睇,睇咗陣就去咗煮嘢食,食完嘢,嘉然咁啱毫打電話嚟,

傾咗陣電話就出門口,搭車返學,返到學校就去咗圖書館到溫書,溫到咁上下就落咗去地下到溫,

溫咗陣就走,搭車返屋企,去到西鐵站,就喺嗰到坐咗陣,跟住就返屋企lu!!

今日12點起身,睇咗陣電視就去咗煮嘢食,食完咁啱啲細佬就返到嚟,又要煮過比佢哋食,

食完玩咗陣電腦,就走咗入房到溫書,不過溫來溫去都好似溫唔到入腦咁......

溫溫吓書勁頭暈......過咗陣呀爸打電話返嚟,叫咗我出去流浮山到,出到去買咗啲嘢就返去,

返到去就買餸煮飯,食完飯睇咗陣電視,就走咗去沖涼,沖完涼就入咗執嘢,執完就做咗一陣功課,

做做吓又覺得好暈,都唔知倣咩嘢,好似就嚟病咁......坐咗陣就玩電腦,一邊玩一邊做功課,

跟住就去咗攞嘢飲,飲完就繼續諗份功課點做,不過都仲係覺得好暈,好驚突然間暈低咗......

今朝早9點起身,之後就落咗百佳買嘢,買完嘢返到屋企,呀爸就啱啱喺百佳到上嚟,

不過我哋撞唔到......跟住我就自己一個喺廚房到煲湯,煲湯期間,就順便洗埋衫,

11點幾,嘉然就到咗我屋企樓下,咁我就落去搵佢,之後就同佢搭車落元朗,

行咗陣就去咗m記食嘢,食完就過去元朗廣場到,行到去見仲有時間,就行咗去書局到睇書,

入到去冇耐,就見到nicole同ar zam,之後就跟佢哋去咗買蛋糕,買完就返去元朗廣場到,

等埋其他人,就一齊搭車去樹熊屋企,去到佢屋企玩咗陣,跟住就喺到傾計......

7點就切蛋糕,跟住就有好多人走咗,過咗陣,嘉然就陪我入咗廚房到煮意粉,

食完嘢坐咗陣就走l,樹熊車咗我哋去車站到搭車,返到屋企成11點l,

咁我就去咗沖涼,沖完就睇咗陣十大,跟住就入咗房到傾電話,傾傾吓就訓著咗lu!!

今日訓到12點幾先至起身,之後出咗廳坐咗陣,就走咗去整嘢食,食完嘢呀爸就無端端喺房到走出嚟,

話同我落街食嘢,不過我已經食完,冇理到佢,跟住我就坐咗喺廳到,溫咗陣數學......

溫完就睇電視,睇咗陣就叫咗細佬同我落街買嘢,買完嘢就返屋企到整嘢,

整完之後發覺早得制,仲有大把時間淨,都唔知做咩好,所以就執咗一陣屋,

執完先至再煮飯......食完飯就電視,睇"102斑點狗",啲狗仔好搞笑,睇咗一半就走去沖涼,

沖完先再睇過,睇完就走咗入房傾電話,傾到唔知幾多點就訓覺lu!!

今朝早8點幾起咗身,跟住就收到嘉然打嚟嘅電話,原來佢已經喺我屋企門口到,好開心......

過咗陣就整咗塊包比佢食,食完就去搭車返學,返到去得好少人返到,等咗陣先開始上堂,

上上吓堂冇端端比人打咗兩吓,傷心......傷心...... 跟住就繼續上堂,

上到12點幾放學,之後就同嘉然仲有麗華一齊過市中心到食嘢,食到兩點幾麗華就要返屋企lu!!

咁我同嘉然喺嗰到行咗陣就去搭車返屋企,佢上咗我屋企坐咗陣,跟住就陪我落街買餸,

買完嘉然就送返我返去屋企到,之後佢就走lu!!

咁我返到去就睇咗陣電視,跟住就打電話比嘉然同佢傾計,傾到咁上下就去煮飯......

8點就食飯,一面睇電視,一面食,食完就飲咗碗糖水,抖咗陣就切蛋糕,補祝返兩個細佬嘅生日,

食蛋糕食到勁飽,飽到差啲想嘔......跟住就返咗房到,搵返啲數學筆記出嚟,

不過搵唔晒,有啲唔知去咗邊到,連本書都唔見埋,都唔知點樣溫書lu!!