今日返學返10點半,所以就可以晏啲先起身,但係訓到8點嗰陣,兩個細佬無端端喺到打交,

嘈住我訓覺,咁我就走咗出廳到,話咗佢哋幾句,就返返入房到訓覺,跟住就訓到9點幾先至起身,

換換吓衫,聽到出面電視機好似做緊啲好嘢,咁我就出咗去睇吓,原來做緊我鐘意睇嘅嘢,

咁我就坐咗喺張櫈到睇,睇晒先出門口,仲遲咗兩個字,落到樓下等咗陣就有車,

上到車先記得,頭先掛住睇電視,唔記得咗食早餐,搞到有少少暈暈哋,不過都冇理到,

返到學校,咁啱就見到麗華,同佢傾咗幾句就走去上堂lu!!

上咗兩個鐘英文堂就放lunch,跟住就搵埋麗華一齊食晏,我哋去咗茶餐廳到食嘢,食完嘢抖咗陣,

就返返去學校到繼續上堂,返到去又係上英文堂,上咗兩個鐘就放學,

放咗學就等埋麗華,一齊過咗市中心到行,行咗陣就搭車返屋企lu!!

今朝早返到去學校,上咗成4個鐘堂先至放得lunch......

天龍佢見我今日唔開心,所以佢就陪咗我食,食完嘢之後就去咗圖書館到坐咗陣,

坐到夠鐘就返去上堂,今堂中文堂喺到講返前兩日考試啲嘢,講完就落堂,

走去電腦室到上埋最後一堂,上咗1個鐘就落得堂,放學lu!!

放咗學之後,就同埋麗華一齊過咗去市中心到行,行咗陣就買嘢食,

之後就行去西鐵站搭車返屋企,去到兆康嗰陣,就同天龍喺嗰到坐咗陣,就搭車返屋企lu!!

今日返9點半,所以就可以遲啲起身喇!!起咗身冇耐,麗華就打電話嚟,話同我一齊返學,

我去到西鐵站嗰陣,麗華佢已經到咗lu!!唔知佢等咗幾耐呢??

等咗陣就有車,上到車我哋就喺到傾聖誕節啲嘢,傾到勁開心......

返到去學校就去咗UG到上堂,上咗兩個鐘就落堂,食得lunch lu!!

我哋成班女仔去咗間唔知叫咩名嘅餐廳到食嘢,嗰到啲米粉好好味呀!!

食完嘢返到去就入咗圖書館到坐,坐到差唔多夠鐘,就同nicole去咗換衫,

換完衫就返去課室到,準備一陣嘅中文考試,我係第二組考,考嗰陣勁緊張.講嘢講到一舊舊......

考完之後就冇事lu!!跟住就等埋其他人考,考完就去上英文堂,上到5點半到就放學,

返到去屋企就煮飯......食完飯之後,就同呀爸出咗去市中心到,行咗陣就返屋企lu!!

今朝訓到9點幾嗰陣,天龍佢打電話嚟,話上嚟我屋企到陪我......

收咗線之後,返返入房訓多陣,就出咗廳開著部電腦喺到玩,玩玩吓就去咗論壇到睇啲嘢,

搵到11點幾,天龍打電話嚟話已經到咗樓下,佢上到嚟之後,咁我就開門比佢,

佢入到嚟就玩咗陣電腦,之後我哋就坐埋咗一邊喺到傾計,傾傾吓又覺得好眼訓,

本來想訓返陣先嘅,但最終都冇訓到,繼續喺到傾計......傾到1點幾,就搭車過去市中心到,

去到行咗陣,就入咗椰林閣到食嘢,食完嘢之後,就過咗去美食廣場到食雪糕,好好味呀!!

食完之後,就喺嗰到坐,坐到4點幾就搭車返去,原本諗住返屋企開門比細佬嘅,但係一早就已經有人返咗去,

冇我嘅事lu!!所以就同天龍去咗m記到食嘢,食完坐咗陣,就去咗百佳到買嘢,

買完嘢諗住返屋企嗰陣,先諗返起有嘢唔記得咗買,所以就返咗屋企放低啲嘢,之後再落過街買,

買完嘢,天龍送埋我返屋企之後佢就走lu!!

咁我返到去就煮飯,煮咗1個鐘到就食得飯,食完飯就洗碗,洗完碗就落咗樓下買嘢,

買完返到去就沖涼,沖完涼就搵嘢食,食完就玩電腦,玩到12點幾就返上床訓覺lu!!

今日訓到兩點幾先至起身,跟住就同呀爸落咗去樓下食嘢,食完嘢就去咗m記買嘢食返去,比啲細佬妹食,

上到去擺低啲嘢之後就落街買餸,買完返到去,兩個細佬喺到打交,整到成地都係汽水,好鬼煩......

抖咗一陣就同呀爸過咗去流浮山到,行咗陣買埋啲嘢,跟住就去咗銀座到行,買咗啲嘢就返屋企lu!!

返到去就煮飯,煮好飯嗰陣仲要比呀妹話我煮啲嘢唔熟,好傷心...... 之後喊咗陣就冇事lu!!