今朝11點幾起身,之後就走咗出廳到坐,睇電視,做功課......過咗陣就煮嘢食,食嘢嗰陣仲同細佬嗌交,

嗌咗陣就冇事lu!!食完嘢之後,就玩咗陣電腦,跟住就走咗入房睇電視,睇睇吓就訓著咗,

訓到咁上下就起咗身,熄返部電視,之後再訓過,本來想訓到5點幾起身嘅,但係就訓到6點幾7點先至起身,

起身之後就煮飯,煮緊飯嗰陣,唔知係唔係未訓醒,差啲就整到自己......

食完就洗碗,我擺晒啲碗喺個洗碗盤到,跟住開著咗個水喉就走咗出廳到,同呀妹講嘢,

講講吓嘢突然間醒返起唔記得閂水喉,咁就即刻入去厨房到閂返佢,啲水差少少就流晒出嚟,

就喺呢個時候,我呀妹喺到笑我,話我冇記性,搞到我勁無奈...... 都唔知可以講啲咩,

跟住洗完碗冇嘢做,就坐咗喺到睇電視,睇到咁上下就走咗去沖涼,

因為今日太早食完飯,所以沖完涼之後就走去咗搵嘢食, 食完嘢睇多陣電視就玩電腦,

玩完電腦就睇電視,睇到兩點先至訓......

今朝早約咗麗華一齊返學,返到去就上咗兩個鐘英文,之後就上sao堂,今堂睇返之前去歷奇啲片,

睇完上多陣就落堂lu!!跟住就補咗兩個鐘英文,之後就放得學喇!!

我哋成班搭咗車過去新虛到,諗住去睇戲架,不過揀唔啱,冇睇到lu!!咁就過咗市中心到行,

行咗陣,就同天龍去咗食嘢,食完嘢行多陣就搭車返屋企lu!!

天龍佢送埋我返去,返到去屋企就開門比兩個細佬,之後再落過返街買餸,買完再返去屋企到,

天龍上咗嚟一陣就走,佢上車之後就同佢傾咗陣電話,傾到煮飯就冇傾到lu!!

食完飯,就同屋企人出咗去市中心到行,行咗陣,順便買埋嘢先至返屋企......

今朝早返到去練咗陣typing,練完就開始考試,考完就落得堂,之後就走咗去上數學堂,

今堂好鬼悶,淨係喺到講份測驗卷,講完就唔知喺到做咩,淨係喺到傾計,傾到落堂,

之後就去咗食lunch,食完仲有時間淨,就去咗圖書館到坐,坐坐吓就訓著咗,

訓醒就返去上堂,上咗兩個鐘英文就放學,跟住我哋就去咗圖書館到做功課,做完就走lu!!

今朝早返到去,上英文堂,落堂之後就上life skill堂,上完就放得lunch,

食完lunch之後,就再返去上堂,上咗3個鐘就放學,之後就同咗天龍去咗圖書館到坐,

坐到6點先至走,跟住天龍佢送埋我返去,仲陪我買完餸先至走,返到屋企就煮飯,

之後就同天龍傾電話,傾到食飯就收線lu!!

食完飯抖咗陣就玩電腦,玩玩吓就去咗搵嘢飲,一面飲一面玩,玩到12點幾就返房訓lu!!

今朝早9點幾起身,跟住就打電話比倩盈叫佢起身,打咗兩次比佢,到咗10點就出門口,

去到元朗嗰陣,諗住自己會遲啦,點知佢仲遲過我,要我等咗佢幾個字,不過都冇所謂啦......

之後我哋就搭的士過neway,但係去到已經冇晒房,所以就過咗千色到行,行咗成個鐘先至返返去,

去到嗰陣都玥等咗陣先至唱得,我哋唱到兩點鐘就走人,之後再去千色行多陣,陪倩盈買咗個銀包,

跟住就過返去元朗廣場到行,行行吓就買咗個袋,之後就去咗KFC到坐,坐到咁上下就去咗零食物語到買嘢食,

買完再行多陣就搭車返屋企lu!!倩盈佢送到我去西鐵站先至走,返到去就買餸,買完返到屋企就同天龍傾咗陣電話,

之後就訓咗陣覺,先至去煮飯,8點鐘食飯,食咗1個鐘到,之後就走咗沖涼,跟住就玩電腦,食嘢......

玩到咁上下就做咗陣功課......