今朝一早返學就上英文堂,今日又係練oral呀......

不過我覺得都今堂做啲嘢好似好無聊咁,無端端喺度介紹自己......

跟住上嗰堂sao都冇咩心機上,成堂都喺度傾......就咁就傾足成堂lu,都唔知今日做過啲咩!!

放咗學之後,就返屋企食晏,食完之後就走咗訓覺,因為好攰呀!!

今日英文補課淨係得我哋班女仔上,所以miss就幫我哋練oral考試......錄音嗰陣超好笑,

都唔知講咩好......淨係喺度笑,諗咗陣先知道要講啲咩!

錄咗陣miss就將我哋啲錄音播返出嚟......

愈聽愈好笑,因為我哋講嘢講到一舊舊,唔知講緊咩!聽晒之後就放學lu!

今日要考電腦,返到去勁緊張呀!不停係咁喺度溫書,因為好驚唔合格呀!

到考嗰陣,已經好驚喇,加上啲冷氣勁凍,仲驚呀......不過到咗最後都識識哋

今日早返,所以7點到就要起身喇!

好涼呀起身嗰陣,所以我都即刻著返件衫呀!

今日因為約咗麗華一齊返學,所以就早咗幾個字出門口......驚遲到呀!

返到去就上數學堂,今堂又係教關於利息啲嘢,不過都聽得明,唔係好難......

跟住上嘅life skill堂淨係喺度睇片,就咁就睇咗成個鐘......落堂lu!

lunch過後,就返去上中文堂,我哋成班女仔差唔多成堂都喺度傾計,因為堂中文堂好悶呀!

都唔知做咩好......

上完中文堂就放學喇!唔知係唔係上咗成日堂,好攰......所以放學返到屋企之後,

又走咗上床訓咗陣覺......訓醒覺之後,就要開始溫書,因為聽日要考試呀!!

今日又係得自己一個喺屋企,好悶呀!!所以就走咗去做功課,仲喺度問人點做添!!

之後就傾咗陣icq咁啦!傾傾吓覺得好眼訓......又走咗去訓覺lu!