今朝起身,覺得啲天氣比平時涼咗好多呀!所以出去食晏嘅時候都著返件外套......

食完嘢返到屋企,發覺冇嘢好做,勁無聊......所以就執吓間房咁啦!

執執吓,就執咗好多無謂出嚟喇!執咗個幾鐘,好攰......又走咗去訓覺呀!

都唔知點解呢排成日都好想訓覺嘅......

訓咗一陣,就出咗去行咗一陣街,行完就返去lu!

今朝11點幾,比阿爸叫醒咗,陪佢入天水圍,行咗一陣街就去咗食晏,食到好飽呀!

食完之後,就去咗麥當勞買嘢返去比啲細佬妹食,返到去坐都未坐定,又要出過去......

仲要出去唔知做咩,淨係喺度四圍行,又冇嘢買,勁無聊......

可能仲未訓夠,返到屋企之後又喺度訓覺......訓咗幾個鐘就食飯喇!

食完飯之後,做咗一陣功課,就同啲fd傾咗陣icq咁啦!

因為今日早放,所以就諗住放咗學之後返屋企訓覺,點知正想訓覺之際,就比阿爸叫咗落樓下飲茶,

飲完茶之後,仲要陪佢出深水埗買嘢,因為太攰......所以就喺車度訓著咗

返到去陪阿爸買完餸,又繼續訓,跟住7點幾就起身煮飯lu!

跟住8點幾食完飯又繼續訓,訓到9點幾,又比阿爸叫醒咗陪佢出去,今日都唔知出過幾次街喇!

今次出街,仲要出到12點先返到屋企,真係攰死人喇!

今日上電腦堂勁悶,冇嘢做,淨係喺到打字,打足成個鐘頭,勁攰......跟住上嘅數學堂都幾好,

一啲都唔覺得悶,仲幾開心添!

食完lunch之後就返去上沉悶嘅英文堂lu!係咁喺度做listening,個miss講啲英文又鬼咁核突,

勁難聽,聽到好想訓覺呀!

上完兩個鐘英文,又要補多一個鐘英文,雖然又係做listening,不過呢堂就開心好多喇!

聽嘅嘢都唔同啲,冇咁悶,不過都係咁眼訓......

今日起咗身之後，當然第一時間就走去沖涼啦!

跟住就同平時一様,食完早餐就返學,返到去第一堂就上英文,都唔知個老師做咩嘅,

攪默書啲嘢都攪咗成粒鐘,次次都係咁,仲悶咗兩個鐘添!

跟住上嗰堂life skill就開心得多喇!有得玩遊戲,唔洗坐喺到咁悶,仲好開心添呀!

因為今日放晏,返屋企就要開始煮飯喇!抖都冇得抖,勁辛苦呀!如果有人幫吓我就好喇!

不過都係冇可能發生嘅事嚟,算數啦都係,諗吓就得嘅!

食完飯訓咗一陣就要起身做電腦功課喇!因為唔識做,所以四圍咁問人,做咗成個幾鐘先致做晒,

做完就搵吓啲同學仔傾icq,傾到12點幾就返上床訓覺喇!