今日......又係得自己一個喺屋企到呀!!

都唔知有咩好做,淨係喺到聽歌,聽咗成個幾鐘,勁無聊......

聽完歌冇嘢做,就走咗去搵嘢食lu!!

無聊的星期一,如果有人搵我去街就好喇......

到咗晏晝4點幾,就要入天水圍接細佬放學,因為佢今日比老師罰留堂!!

真係煩,要人哋特登入去接佢,想訓吓覺都唔得......

返到屋企,都成6點喇,差唔多係時候要煮飯喇!!但因為太攰,所以訓咗一陣先至起身煮,

食完飯,沖完涼,就傾咗陣icq,傾傾吓發覺冇乜嘢好做,就返上床訓覺lu!!

太耐冇剪過頭髮喇!所以今日就走咗去剪頭髮lu!

剪出嚟嘅效果,好似唔多好咁......知道就唔去剪啦,依家有少少後悔添!!

不過都係算啦,唔剪都剪咗,我諗睇睇吓就會慣架喇!!

到咗夜晚,就陪咗屋企人出去行街,仲買咗好多嘢食返屋企添呀!!

今日約咗倩盈去元朗行街,一出到去就係咁去啲賣衫嘅鋪頭睇......

我哋行咗好多間先至買到自己想買嘢!

我哋買完衫就去咗食嘢,食到4點幾5點就返屋企lu!

我返到屋企之後,又喺度訓覺lu!都唔知做咩嘅,總之成日都好想訓覺......

今日唔知點解成日都喺度訓......喺學校上堂訓,返到屋企又訓,

但係又唔係攰喎,都唔知點嘅??

一直咁訓,訓到食飯先至起身,今日嘅工作就好似係訓覺咁!!

今朝旱返到學校,就上電腦堂,呢堂阿sir淨係講咗好少嘢,就比我哋做自己嘢......

跟住上數學堂就開始冇乜心機上lu!!唔係因為聽唔明,而係我自己唔想聽,

可能係我自己掛住諗嘢掛......

上完呢堂就食lunch,我哋食完嘢就去咗圖書館傾計,傾到1點幾就要返去課室上堂喇!!

返到去就要上英文堂lu!!!今日淨係喺度聽listening,聽咗好耐......

聽聽吓仲差啲訓著埋......因為實在太攰喇!!

放學返到屋企又有好多嘢要做,做到成個人都好似散晒咁,啲手腳都好似唔係自己咁......

加上冇人肯幫我手,咁就更加攰......

夜晚食完飯,做晒啲嘢之後,就自己一個坐咗喺張梳化到諗嘢,但係諗咗好耐都諗唔通,

都唔知點算好喇,但係唔諗又唔得喎......如果有人可以幫到我咁就好喇!!