今朝一早起身就過咗市中心到交學費,本來就諗住等埋呀妹放學過嚟,一齊去買校服嘅,

點知道早過頭,所以就返咗屋企先......正當我煮緊嘢食嘅時候,呀妹突然間打電話返嚟話佢已經搭咗車去到市中心,

咁我就叫佢自己行住先,一陣出去搵佢,點知道佢唔識路,唔知點行,所以我就叫佢喺輕鐵站到等,

咁我就即刻食晒啲嘢,拿拿臨走落樓下搭車,過到去見到呀妹嗰陣,佢好似想喊咁,原來佢冇帶錢喺身,

驚返唔到屋企......咁我就同佢食咗嘢先,點知淨係想食雪糕,似十足我,

食完就去咗買校服,買完行咗陣就搭車返去lu!!返到去就去咗街市到買餸,買完就返屋企,

返到屋企就即刻走咗入房訓,訓咗好耐...... 訓咗成3,4個鐘先至起身,

起身嗰陣都成7點,要煮飯lu!!唔知道做乜嘢,煮煮吓飯突然間自己喺到喊,

但係又唔係唔開心喎,都唔知點解啲眼淚喺咁流出嚟??

食完飯就喺到影相,有一張影到勁好笑,笑咗成個字都未笑完......

跟住就抖咗陣,睇吓電視咁,突然間,個衰呀妹又無端端喺到笑,笑唔停,佢係要搞到人哋笑先至肯停,

到咗11點幾,呀爸佢突然之間話肚餓,咁就走咗去煮嘢比佢食,順便食埋一份......

一面食一面玩電腦,玩玩吓,個衰呀妹又走嚟煩住我喇,佢喺咁叫我比佢玩,

跟住佢仲講咗句"你啲老人家,係時候要抖吓喇!!"真係比佢激鬼死,跟住又無端端喺到笑,

又喺到搞住晒,搞到我又笑埋一份,笑到痴咗線......

今朝早唔知點解未夠鐘就自己起咗身,訓唔返......換完衫之後,本來就諗住食早餐嘅,但係突然間諗返起,

我琴日唔記得咗買,所以冇得食,要餓住個肚咁返學lu!!

返到去就上英文堂,講咗陣書,跟住就默書,默完就落堂,然後就走去隔離課室到上sao堂,今堂真係好悶,

喺到講選舉同民主啲嘢,就咁就講咗成個鐘,跟住就落得堂喇!!我哋就走咗去買lunch食,食完就再上過堂,

今次係上數學堂,不過我哋去到個課室上堂後,都冇聽過書,兩個鐘都係喺到,我仲上上吓訓埋覺,

訓醒嗰陣,都差唔落堂lu!!落堂後就要去嗰個唔知乜嘢到,去到嗰到淨係喺到坐,聽人講嘢,都唔知去嚟做咩,

嘥時間......聽完之後,仲有一,兩個字就再上堂,見淨返咁少時間,所以就冇搵到ar ka佢哋,喺課室門口到等佢哋,

等到3點7,miss就嚟到,上咗1個鐘到就放break,我哋就落咗樓下買嘢食,仲遲咗返課室添!!

跟住再上多半個鐘到,5點半就放得學,今日返咗咁耐學,好似返工咁......

返到去就去咗街市到買餸,買完就諗住走啦......點知經過魚檔嗰陣,嗰個人無端端拎咗條好多血嘅魚出嚟,

絛魚啲血彈咗落我件衫到呀!!  不過好彩我件衫係黑色,唔多覺眼,如果唔係都唔知點算好喇......

返到屋企就煮飯,不過唔知係唔係個人攰,都冇乜心機煮咁!!

食完飯9點幾,就走咗入房訓,訓到10點幾先至起身沖涼,沖完涼之後,呀爸就買咗嘢返嚟食,

食完玩咗陣icq,跟住就睇電視,睇到1點幾先至訓......

今朝早返晏,所以就可以訓耐啲,不過訓訓吓比呀爸嘈醒咗,佢叫我出門口之前幫佢晾咗啲衫......

就係因為幫佢晾衫,搞到遲咗出門口,搭唔到班車,返到去學校遲咗啲咁啦!!

返到去上電腦堂,今堂派之前張測驗卷,合格呀,好開心......

跟住就上數學堂,啲數好簡單,半個鐘就講晒lu!!不過仲未放得,ar sir幫我哋溫習返之前啲嘢,

講到夠鐘先落堂放lunch,食完嘢就返去上life skill堂,不過我哋嗰班得好少人返,

上完呢堂就跟住上英文堂,不過我冇乜點上過,因為好眼訓,訓著咗,訓到落堂先至起身呀!!

放咗學返到屋企,食咗啲嘢,就即刻走咗入房訓,好好訓呀!!

訓到差啲唔記得咗要起身煮飯......

跟住夜啲食完飯,沖完涼就玩電腦,本來就靜靜地喺到玩緊,但係玩玩吓個衰呀妹,突然間走過嚟煩住我,

佢好似食咗興奮劑咁,喺咁係到笑,笑到停唔到,痴咗線咁......跟住我都比佢感染埋,不停咁笑,

笑咗成半個鐘都仲喺到笑,唔知點解笑到停唔到,直至比呀爸鬧我哋先至停到,

不過笑完之後諗返起,覺得啱啱好白痴,都唔知點解可以笑咁耐......

今朝早雖然冇晏咗起身,但係呀爸佢話車埋我返學......咁就可以慳返啲車錢lu!!

返到去上咗兩個鐘英文堂,之後就上life skill堂,呢堂好鬼悶,喺到講返之前啲note,到臨落堂先至有啲嘢做,

跟住就放得lunch喇!!今日ar ka佢帶咗UNO返嚟玩,我哋趁nicole佢哋出咗去買嘢食,就玩咗一陣,

之後食完嘢再玩多陣,玩玩吓比人趕,冇再繼續玩lu!!返返去課室到上堂,上咗3個鐘就放學喇!!

麗華佢喺圖書館到等埋我哋放學,咁我哋就喺嗰到坐咗陣先至走,

返到屋企之後就煮飯......食完飯就出咗去市中心到搞電話啲嘢,搞完就返屋企lu!!

返到去就沖涼,做功課傾icq咁啦,都唔知仲有啲乜嘢好做......

今朝早6點幾就起咗身,跟住就同平時一樣,做起身之後做嘅嘢,食完早?點幾,就要出門口返學lu!!

去到兆康8點,等咗陣麗華就嚟到lu!!我哋等咗第二部車先至上,因為少人啲......

我哋約咗呀哥喺銀圍站到等,搭到去嗰陣,呀哥佢上錯車,搞到我同麗華係咁喺到笑,笑到停唔到,

呀哥上返啱架車,我哋都仲喺到笑,過咗陣,呀哥無端端喺到講笑話,搞到我哋又喺到笑,

跟住落咗車一陣,呀哥佢講錯一個人嘅名,搞到我勁喺到笑,返到去學校都仲喺到笑,笑到痴咗線咁......

到咗上堂嗰陣ar ka佢哋又講埋啲好好笑嘅嘢,咁又喺到笑,連堂都冇上到,笑到落堂,

食完lunch之後,就去咗教員室到搵ar sir傾嘢,傾到差唔多落堂先傾完,

返到去就上中文堂,今堂喺到作文,作到落堂,咁就放學lu!!見有時間,就去咗圖書館到等埋麗華放學,

等埋佢就走lu!!跟住我哋就去咗買雪糕食,食完就搭車返屋企......

返到屋企就煮飯,8點就可以食喇!!跟住食完飯,睇咗陣電視就訓著咗,訓醒就去咗沖涼,

沖完涼就傾icq,食嘢......