唔知點解,今日訓到好晏先至起身呀......

但係我琴晚明明已經好早訓咗覺架啦!!唔通係因為琴晚喊過嚟,喊到個人攰晒??

不過算啦!都係講第二様嘢......今日唔知係唔係訓得耐過頭,起身嗰陣有啲暈暈哋,企唔穩咁!!

所以都唔係好想煮嘢食.叫咗個妹一齊落街買返屋企食,食完嘢之後,就自己一個走咗入房睇電視,

淨返啲細佬妹自己喺廳到玩電腦,都唔係好想理佢哋,因為實在太煩喇!!

睇睇吓又好想訓覺喇,不過為咗唔想夜晚訓唔著,所以就係咁四圍搵嘢食......

但係食完夜晚餐之後,終於都頂唔住,入咗房訓咗陣,起身之後就去沖涼,跟住就傾咗icq同睇電視,

之後就去咗搵嘢食,過多陣就走去訓覺lu!!

今日上完最尾嗰堂之後,就要走去考數學lu!!

見到份卷嗰陣,開頭嗰幾目都幾簡單,都識做,但係做做吓開始有啲唔對路,好似愈做愈難咁嘅......

開始唔識做喇,得式又唔係好記得係點喎,所以就是但寫咗啲嘢落去,不過唔知啱唔啱呢??

不過算啦,都已經考完,唔想再諗喇!!

考完試返到屋企,都差唔多4點lu!我見冇乜嘢做,就走咗訓覺,一訓就訓到6點幾先至起身,

我本來都唔訓架,但係唔知點解又訓著咗......

今日放咗學之後,同啲同學一齊走咗去圖書館溫書,因為聽日就要考數學喇,好驚唔識呀!!

所以返到屋企之後就溫咗一陣,先至走去煮飯......

食完飯之後,就再溫多陣,不過溫來溫去,都好似溫唔到入腦咁,但係又唔係好難喎,都唔知點,

背式背咗成個鐘,都未背得晒,都唔知聽日嘅考試點好,唔知會唔會唔合格呢??

唯有聽朝返學再溫過啦......

今日唔知點解好眼訓,上上吓中文堂就訓著咗......訓醒覺就上電腦堂,

今日啲書講得好快,早咗成半個鐘放學,

放咗學返到屋企,睇咗陣電視之後,就走咗去搵糖食,一路睇一路食,食食吓唔知點解無端端訓著咗......

醒咗之後先知道自己仲食住粒糖......

今朝返到學校上堂都好似冇乜點上過咁,可能掛住傾計掛......但係我都有聽過架,唔係成堂都喺到傾計!!

不過上堂講啲嘢,又真係悶咗啲......

食完lunch之後,就返去上中文堂,今堂喺到做present,講到勁好笑,唔知點咁......

放學返到屋企,睇咗一陣電視,唔知點解睇睇吓好眼訓,所以就走咗訓覺lu!!

跟住到咗夜晚8點幾食完飯,就坐咗喺張櫈睇電視,點知睇睇吓又訓著咗,訓到條腰骨勁痛......