今日訓到2點幾先起身,跟住就走咗出廳到坐,坐咗陣就入咗廚房煮嘢食,食完嘢冇耐,

就玩咗陣電腦,玩玩吓,呀爸就話想執吓間屋,咁我就熄咗部電腦,同佢一齊執,

執咗成兩個幾鐘先至執得完,仲執咗好多垃圾出嚟添!!不過間屋比之前整齊咗好多,

用咗咁多時間都值得嘅!!執完屋企睇咗陣電視,就同呀爸落咗街買餸,

呀爸佢話今晚想打邊爐,咁就順吓佢意啦!!買完就返屋企洗嘢,啲水超級凍,

凍到隻手紅晒,一啲感覺都冇咁......我出聲話啲水凍,呀爸先至入嚟幫我手洗啲嘢,

洗晒啲嘢就有得食lu!!食咗陣就走咗去睇電視,睇完就去咗沖涼,跟住又睇電視,

睇睇吓,呀妹就走去沖涼,咁我就有得玩電腦lu!!

今朝早唔知幾多點,呀爸就入咗嚟我間房到,比錢我去街,咁我醒咗一醒就訓返著,

之後就訓到11點幾起身,一起身就開咗部電腦嚟玩,玩咗陣,細佬就起咗身,

煩住晒我,淨係叫佢自己開電腦玩,玩玩吓又嘈住晒,開著咗部電視又唔睇,都唔知佢想點......

跟住就自己走咗去煮嘢食,一面食嘢一面玩電腦,食完嘢去換衫,換完再玩多陣電腦,

玩到差唔多時間就出門口lu!!出到去元朗,就去咗千色到,行咗陣,睇吓嘢咁,

跟住就行咗去第二到買嘢,揀咗成個鐘先至買到,買完就過咗去元朗廣場到食嘢,

食完嘢行咗陣就入咗零食物語到買嘢食,買完就去搭車返屋企lu!!

今朝早6點叫咗呀妹起身,之後就訓返著,訓到11點幾,呀爸無端端打電話嚟,嗰陣仲未訓醒,

佢叫醒人幫佢打電話,唔幫佢打又會比佢鬧,所以就即刻起身幫佢打,打完電話諗住訓返覺,

但係都訓唔返,所以就去咗開電視睇,睇咗陣就去咗煮嘢食,煮煮吓呀爸又打電話嚟,

又要幫佢打電話,搞到我想食嘢都冇得食,幫佢打完先有得食,食完嘢過咗陣,佢又打電話嚟,

又係叫我幫佢打電話......總之今日幫呀爸打電話啲時間,仲多過做自己嘢,真係煩呀!!

今朝9點幾,嘉然打電話嚟話已經到咗樓下,咁我就即刻起身,整咗成半個鐘先出得門口,

要佢等咗咁耐,真係唔好意思......跟住就去搭車返學,返到去就去咗電腦室到做功課,

做完就去交比miss,交晒啲功課之後就過咗去市中心到食嘢,食完嘢行咗陣,就搭車走lu!!

返到屋企坐咗陣,就同呀爸入咗天水圍到買嘢,買完嘢返屋企,返到就即刻返咗入房訓覺,

訓到6點半,就比呀爸叫醒咗,落街買餸,買完就返屋企煮飯,因為訓覺訓過龍,所以8點幾先至食得,

食完飯睇咗陣電視,跟住就走咗去沖涼,沖完涼就幫呀爸打咗幾個電話,之後就玩電腦,

玩到咁上下,就入咗房傾電話,傾到1點幾就訓覺覺lu!!

今朝早返到去學校,就要入禮堂到考試,考咗兩個鐘,跟住就放得學lu!!

放咗學就過咗去neway到唱k,唱到兩點幾就走,跟住去咗市中心到行咗陣,

行完就搭車返屋企,返到去就買餸,買完返屋企,返到去睇咗陣電視,食咗啲嘢,

就走去煮飯lu!!8點幾食完飯,就同呀爸出咗去市中心到交電話費,

交完行咗陣,就過咗去友愛到,幫兩個細佬交書簿費,去咗銀行到過數,

交完就返屋企,返到去沖完涼,就坎咗去睇電視,睇咗陣就有得玩電腦,玩咗陣,

食咗少少嘢,就繼續玩過,玩到咁上下就走咗到傾電話,傾到差唔多兩點就訓覺lu!!