今日12點幾起身,跟住就出咗廳到睇電視,睇到咁上下就去煮嘢食,

食完嘢之後,睇多一陣電視就玩電腦,睇吓人哋啲日記,

玩到3點幾就比咗呀妹玩,跟住就入咗房到睇書,執吓嘢咁......

到咗4點幾左右,見冇嘢好做,就出咗廳到睇吓啲卡通片,

睇到5點幾就同呀妹落咗街買嘢......買完就返屋企睇電視,

睇到咁上下就煮飯,跟住就食飯,食完飯冇嘢做就入咗房到,

都唔知做乜好,淨係坐咗喺張床到,呢到望吓嗰到望吓......

過咗陣呀妹就叫咗我出廳食雪糕,食完坐咗陣就玩電腦,

玩玩吓呀爸就買咗宵夜上嚟食......跟住都冇嘢好做lu!!!

今日考英文Oral,簡直係完全慘敗,從來都未試過考成咁架!!

兩份卷都講唔晒,其中一份明明係識做,但係就唔夠時間講,

好失敗呀!!!!另外嗰份就仲慘,之前背好晒啲嘢,諗住考試實得啦,

點知份卷都唔同之前溫嗰啲嘅!!!搞到都唔知點做好......

總之今次考試就慘敗收場啦,我都唔想再提喇!!!

今日係BEE考試,琴晚溫書溫到傻咁,但今日都唔係好識,

希望會合格啦!!考完呢科之後,仲未有得放鬆住,

因為過兩日要考英文,又要再溫過書,冇得抖......

雖然過兩日又要考過試,但今日返到屋企都喺到玩,

好似一啲都唔緊張咁......

今日食完飯之後,就係咁喺到溫書,溫到傻咗咁......

所以溫溫吓都冇溫,走咗出廳到睇電視,睇咗陣就玩電腦,

玩到12點幾1點,就入咗房睇咗陣note,睇完就訓覺lu!!