今日訓到1點幾起身,睇咗陣電視就去咗煮嘢食,

食完嘢就玩電腦,玩到咁上下就走咗入房到溫書......

溫咗陣就唔想溫,出咗廳睇電視,睇到咁上下就落街買餸,

買完就返屋企煮飯......食完飯就睇電視,睇咗陣就食雪糕,

跟住就入咗房到溫咗陣書,溫咗陣呀妹就比咗部電腦我玩......

今日好唔開心呀......

         仲喊咗好耐添!!!

今日唔知做咩,食飯嗰陣無端端勁肚痛......不過痛咗陣冇痛lu!!

食完飯就睇電視,套電視好好睇,不過好快就大結局喇!!

睇睇到咁上下,無端端心痛,都唔知做乜,淨係覺得好痛咋......

痛咗陣,連肚都痛埋,兩樣一齊痛,好辛苦呀!!

呢兩日唔知做咩...

    凍咗好多...

  所以大家要著多件衫呀!!!

今日返到學校先知道唔洗上英文堂,之後落到學校門口,見到有好多同學都返咗嚟,

所以就決定一齊去唱k......等埋其他返緊嚟嘅同學,就一齊搭車過去Neway到,

入到房就即時嗌嘢食,唔知係唔係多人,嗌到亂晒,等咗陣就有嘢食,

食食吓嘢就唱咗幾首歌,唱咗陣再食過,喺到聽其他人唱,樹熊佢哋唱到勁搞笑,

係咁喺到玩,仲校到啲音樂好大聲,成間房都震晒......我哋仲唱到唔捨得走,

不過我哋仲要返學,所以唱到咁上下就要走lu!!返到學校上嗰堂好悶,

淨係喺到抄嘢,都唔信上嚟做乜......唔經唔覺就夠鐘放學,

放咗學之後就同嘉然過咗去市中心到,行咗陣就去咗扭蛋,扭到自己鐘意嗰個,

好開心呀!!!跟住就喺西鐵站到坐咗陣,之後就入咗天水圍接細佬放學,

接完佢放學就行咗去買嘢食,買完就行去搭車返屋企lu!!