第二個星期的情況同第一星期一樣，化療後又嘔，第四天之後又好D。開始甩頭髮了！後尾枕的頭髮大撮大撮咁甩！體重開始向下。電療的影響下條頸開始變黑，好似晒咗好耐太陽咁。還失去了味覺呢！唉！仲有５個星期捱呀！還好每星期仍見到kawaii的曦曦，就覺得時間過得快D。

你知嗎？他才學會講多些較為複雜的字。他剛學會叫“Ke媽”（契媽）呢！

吃不到東西的時候，要多謝媽媽的靈芝湯水。

第一天的療程雖有大哥及大家姐(老公的大姐夫同大家姐)陪同，仍然好緊張。9點正電療，戴上面具躺在床上15分鐘，還有音樂聽，做完並沒有任何不適。不過面上就留低好多個"窿"，係面具緊壓的痕跡。接著是去做化療，不過等見醫生就等到12點幾。之後就去午飯，下午返去打吊化療針，五點先可以返屋企啦。公立醫院的特色: 咩都係要等。(多謝大哥同大家姐的支持!)

電療係每日一次，星期一至星期五，假期休息。化療就一星期一次。再次多謝大家姐每天從青衣揸車來我家載我們去醫院。

第二天及第三天的晚上，因化療藥物影響，"嘔"到八彩。第四天之後就好D，有番D胃口。

昨天到威院做化療，所以無寫任何嘢，今天繼續。

知道自己得到晚期癌病，我想不用形容大家都知我的心情吧！整個療程係需要35次電療(放射治療)及7次化療的。

生命?很奇怪! 有人為了不知所以的恐懼，放棄生命! 有人為了多看一眼，多吸一口氣，拚死求存!

當然，我是屬於後者。既然命運安排我要接受呢次嚴峻考驗，我就要積極同勇敢地去面對。我仲想睇住曦曦大個仔，同埋同佢玩。還有很多關心我的人等著同我見面呢！

因為得到中大醫學院院長的幫助，醫院的設計師很快就替我做一個用來電療的面具，趕快地開始療程。(在此衷心多謝霍泰輝院長)

2007年3月19日，是療程的第一天。