丘醫生還幫我安排接受磁力共震及正電子等掃瞄，以確定癌細胞有否擴散到身體其他位置。2007年3月6日經過了連串掃瞄後，知道癌細胞沒有擴散至頸以下的部位，但是除了鼻咽內的細小腫瘤外，就有幾個癌腫瘤經淋巴轉移至頸及鎖骨位置，所以甘醫生就確定我得到的鼻咽癌係Stage IVB，即第四期。不過都仲有六成機會醫番好。嘩！唔係啩？六成？咁係咪即係好易死，忽然間感覺到死亡同我好接近。諗落自己唔似咁短命啩? 個陣個心好寒同跳得好利害，好似快要跳咗出來，呢次就好驚但係都無喊。反而我旁邊嗰個要醫生安慰。

為什麼這個殘酷的事實會發生係我身上呢？當我身邊的朋友及親人知道了這事的時候，無不大吃一驚。怎看得出我是一個癌症病人呢↓

有無興趣知過去多月我在抗癌的日子是怎麼的?

2007年 2月 7日是相當難忘的一日，剛完成了公開大學的考試，鬆一口氣的同時；因考試前腮頸上有些腫腫地；回威院看看之前檢驗的結果，心想一定無咩事發生係我身上，怎料醫生話我患咗鼻咽癌！

心諗：有無搞錯？平時連傷風感冒都好少，點會有呢個病？無得解，原來醫生都答唔到我。不過醫生話鼻咽癌係香港係好普遍，醫番好嘅機會好高，不過療程就相當辛苦。當時唔識驚亦都無喊，下午仲返工話比老細知。

老細的反應同我一樣，好驚訝。當然他也有安慰我同埋叫我放心醫病，盡量去放病假。同事亦紛紛向我祝福及問候，下午當然心情差勁到極點，但放工如常去買送，返屋企先話比老公知，佢嘅反應係我意料之內。但係嗰晚居然訓得到。

嗰陣就快過年，也不敢話比阿媽知。只係話比d好友知。仲有晚同好友去唱K呢！其實嗰陣身體唔覺得有咩唔舒服，所以即使有病都開開心心過咗農曆年。尤其因為見到好得意的曦曦，心情再次好起來了。

過咗年，就要開始醫病了。2007年 2 月26日來到威院的腫瘤科，它給我的感覺是好凍，有些驚慄，因為見到的病人都係同我一樣有癌症的。不過當我見到和藹的丘醫生的時候，這些感覺就減退了。丘醫生的詳細及專業的講解，令我們更深切了解鼻咽癌的治療過程，增加對抗癌病的信心。