又到聖誕節，今年聖誕嘅願望同以往有d唔同，唔再係想要d咩禮物，而係希望有人可以同我一齊過(指嘅當然係女仔啦)

可惜BB去咗大陸，冇得同我一齊過...而家將所有嘅希望擺哂係佢到!希望可以同到佢一齊過，滿足我一直都想達成嘅願望

希望呢個世界真係有奇蹟，希望我嘅願望可以達成啦!

今日學校開聖誕聯歡會，有人俾咗張聖誕卡我，本來好開心，可惜一睇完內容之後令我崩潰...

內容:今個聖誕你應該開心啦!要好好對你個BB呀!

我睇完之後真係唔知點好，其實我最愛嘅唔係BB，而係妳(咁講好似好衰)

BTW，今年係第一年拍住拖過嘅聖誕節，可惜BB要返鄉下，冇得同佢一齊過----可能係天意，個天都唔俾機會我同妳一齊過浪漫嘅聖誕節...

梁永傑呀梁永傑!你係咪真係咁冇用?

明明講好咗試下同佢保持距離，盡量試下唔理佢...明明可以keep到，點解會忍唔住去理佢?佢整親隻腳姐，你咪狠心d唔理佢囉，點解又要心痛呀?

我真係太冇用喇...

見到你開心，我就開心?

我一d都唔覺得係...妳經過咗4個月，終於放低咗妳個ex，雖然我表面上都好開心，但係有苦自己知...我而家好後悔當日同妳表白，搞到而家嘅關係都唔知算點...

妳同個個都玩得咁埋，就係因為玩得太埋，搞到我不停擔心妳...我都好想妳同我嘅距離可以快d消失，令到我可以再次進入妳嘅世界，即使只係普通朋友，可以了解到妳就已經好好...為咗咁，無論妳想我點都得，只係希望咁樣------可以嗎?

p.s:我唔係話緊我BB，唔好誤會!

嚇死我!今日放學要去補習，本來諗住走堂同BB食飯。

BB無啦啦sd信息俾我話唔同我食飯，叫我自己食...

我驚到即刻sd信息俾佢問咩事，點知佢係都唔理我，搞到我一邊補習一邊擔心。

好彩一走出現代就見到佢喺到等緊我，原來佢係想俾surprise我...

食飯先醒起原來今日係我地嘅一個月記念日，sorry呀BB!

我咁都唔記得，好彩佢冇嬲姐!