嘩....超超超超超超耐冇打過日記嚕= =
今日真係熱到kai左...
原本既溫書計劃都因為太熱而要押後到今晚xd

講返琴日先...冇啦啦俾蕊,杏拉左去清水灣(後來又有賢),
去到見到個天, 嘩...真係萬里無雲!!!
之後個幾粒鐘, 都係係度玩下水,沙,吹下水咁...
但係係分組行動, 俾另外個兩條友仔飛甩左= ="

可惜呀...冇游水眼鏡, 搞到唔夠彊去浮台= =
但係...影左好多犯罪證據...哈哈!!!

走之前去沖身啦...點知出面有兩個細路係度吵...
仲要用純熟既粗口互罵...聽到人o晒嘴

本身約左5A 7點去打邊爐, 但因為個兩條友搞到遲左好多...返唔切 =3="
仲要差唔多返到去個時話俾我聽佢地食完走佬...............
但係最後都俾人拉左去食糖水...(我冇食, 佢地個個都話太甜~.~")

返到去...就11點...攰死左...."""
仲要處理個d好多沙既衫褲, 搞到我死!
今日訓到10點先起身=.=
仲要係有少少傷風....(自琴日起決定要練大隻d...)