今日十點幾就出左門口去補習，一落到街就有人叫我買旗，禁我就買左喇，因為都係一個星期一次喱~出到去補左兩堂英文，上完之後真係有𪊲累~最後搭地鐵返屋企既時候見到個大肚婆無人讓位俾佢坐，𪊲人見到都當見唔到~禁所以我就起身俾左佢坐~個uncle就係禁唔該我.其實我都冇乜所謂既，就算佢冇唔該我，我都唔會嬲~因為十六年前，可能都有人讓位俾我媽坐.禁我誼家見到人地有左細路，我讓翻人地坐都好認該~況且第日我都希望有人會讓個位俾我太太坐~

今日miss so話要收翻啲news commet，我就全部拋曬，仲要係前幾日先拋既添，我星期一都唔知交咩俾佢好~Lunch翻去上到課室，見到lok佢地坐係教師台個度，課室冇開燈，拉埋窗簾，係度講鬼故，好黑，好有feel~到左下午上a mat堂既時候，見到啲人排隊出去中文大學~我坐窗邊，見到啲人上巴士，我就話"我都想去添"~點之俾岑sir聽到，佢就同我講，過多兩年米考入去囉~聽完佢禁講，我心諗F.6都成一個問題喇，仲話大學.到左放學又要chem補課，補完之後就留左係班房影左陣相，呢排我愛上左黑白相，覺得影完出黎好靚~影影下miss leung入左黎我地班房，我問佢認唔認得我，佢都已經唔記得我個名~下個星期可能係我中學既最後一個星期，我唔想俾佢結束~

今日同樣時間，七點就出門口翻學，但係塞車，所以52分先返到去~搭地鐵個陣時，係架車入面見到個mon打出黎話今日係3月2號.我就係度諗，好似有啲野要做架喎，但係我又醒唔起要做啲咩.翻到去就俾人話52分，所以就要係學校門口到企.上到去頭三堂上a mat好快過.過左上午，終於到左lunch，今日我就去左大快活到食飯，食完野行翻去個陣就見到巧儀~佢就同個男仔出去.仲幫個男仔拎野~佢好似話佢俾人哈好慘喎.我都冇野好講，見到個男仔為左食野，就叫人幫佢拎野，仲要搵個女仔添.好心佢就上車先食啦.就係禁諗左一陣，我就醒起原來上年既3月2號係到我出屯門架~唔掛得之好似有啲野要做禁但係又諗唔起啦.最後放學就搭車出左太子補習，上到去見到有好多人交錢，所以我就要排左十幾分鐘先入得課室~

因為呢兩日個diary都要upgrade，所以搞到我打唔到diary~講翻今日，翻到學校真係好凍，所以早會可以上課室.上到去頭兩堂上phy，就做past paper~我都冇咩心機做禁.息善媛落黎搵我，佢叫我做爸爸，我都唔知用咩反應應佢好，因為我都未聽過佢禁叫我.之後就上左兩堂bio，一堂eth.lunch就同佢上左百合屋食，見到子揚同埋琪琪，琪琪同我講話"噫~梁傑滔，大個仔喇喎"，子揚就好驚奇禁見到我同善媛食~唉!又俾人誤會.不過我唔會因為禁誼驚.到左放學就同勤影左幾張黑白相.而小玲就俾左紀念冊我寫.

p.s:我知道自己之前禁做真好hurt佢，我亦知道自己浪費左幾個月既時間，到誼家我先發覺自己做錯，我知道真係太遲，但係好可惜我一直都未有機會親自同佢講呢翻話~如果有人可以俾次機會我既話，我只係想利用呢個機會去親口同佢講.

今日一朝早就起左身，落左街食野~食完野就翻左上樓做a mat.到左2點九到就去旺角補中文，今日遲左啲先去到，因為走左架地鐵.補完習之後就去左姨媽到食飯.去到都係5點幾，所以就開左隻gone in 60 seconds睇~套戲勁好睇，超多靚車.其中有一架叫ELEANOR既超靚，不過個主角好驚呢架車，所以個主角就成日同架車傾計~最後ELEANOR成架散曬，個個人好唔開心.但係好采都整得翻~睇完套戲就食飯，根住就翻左屋企喇~