今日成個朝頭早都唔係太想講野直到Lunch，唔知係米因為琴日聽完首曲~上到miss so堂，係break time個陣時，佢就同我講"are you all right ? you look so sad"佢仲叫我去洗面~連miss so都睇得出.食完lunch個陣見到善媛，我都唔禁叫佢.因為我見到佢好似唔係好happy禁~直到佢地叫我，我先禁認佢地.原來佢唔係好舒服，希望佢冇野啦.lunch上到課室，就玩啲低form先玩既野.玩粉擦.玩左一陣之後就上左2樓同個女傾計~可能以後都冇機會禁同佢傾計.我都冇話佢知我幾時走，因為我唔想佢知.到左pe堂，王sir同我地講左幾句之後就出去跑.講野個陣佢就串左我一兩句.今次跑好唔同，跑曬上下路.呀sir話珍惜下今次喇，可能呢個係我地最後一次環校跑.跑上斜個時，有架學車係我地則邊.個師傅搞低隻窗同我地講叫我地打日本仔喎~我聽完之後都想笑，後面啲人就話band of brother~跑到中段個陣我就放慢左，因為我好似唔想跑完禁，有啲唔舍得.做熱身個陣我就坐左係地下向上望住間學校，好可能最後一次用呢個角度望曬成間學校~翻到去打左陣籃球就玩數字球.最後就ming同源輸~就落堂個陣我就同王sir傳左陣波.最後落堂個陣，諗住舉手拍一下個陣.個個舉曬手既時候，幾十個人係到鼓掌，起初得十個到，點之曼延到成班~個場面都幾感人，呀sir睇到都呆左.之後我地並無入去換衫，留係操場影相.

今日上埋我form5最後既一個週會~全校都要上禮堂，我諗我都係最後一次見到禮堂禁多人.坐坐下miss yip話我頂住隻腳好辛苦，佢叫我坐5c個度~我調位個陣成班都望住我係度笑，我就好無奈，仲要同成sir坐添.搞到我好似啲問題學生禁.上周會播左段片，我覺得啲主角個個都唔係幾好.男既就以為有錢大曬，女既就只係鐘意個男仔買野俾佢.唉~最唔鐘意呢類人.段片去到個男仔係買手鍊個間鋪頭既時候，我就諗起自己之前話個要將青衣成間水晶舖買起佢.返到屋企上網睇左一陣野，其中有人post左首歌出黎，個歌名我唔想提因為我唔想其他人download黎聽~聽個陣時覺得首曲好憂怨，令人好感到好失落.之後我睇翻下面原來有一篇野講呢首歌既故仔~原來好耐之前好多人聽完首歌之後就結束自己生命.仲有個人係學譜上寫下這樣的遺言：「這樂曲的旋律太殘酷了，這不是人類所能忍受的曲子，毀掉它吧，不然會有更多的人因受刺激而喪命。」 我係第一次聽一首旋律禁憂怨既一首曲，真係好得人驚...

今日一翻到學羅sir就拍我隻手問我彭詩敏有冇翻，佢問完我之後覺得佢問錯人，佢認該問呀Lok~頭兩堂中文堂，曾sir話佢條腰好痛，琴日瞓得又唔好，上堂個陣佢都話痛緊~見佢個樣禁，都有小小心痛.聽完佢話自己條腰痛之後，我就不其然禁諗起善媛.本來我都幾鐘意落雨既天氣，但係當我知道好多人都因為潮濕而感到唔舒服之後，我就一啲都唔再喜歡落雨既日子~上堂個陣講左個鬼故俾娜娜聽，搞到佢好驚，又話我~小息個陣智君同佢個fd上黎問我拎翻個兩張問卷，但係我搵唔到.佢個fd就鬧我，我都冇理佢，反正都就黎唔駛見到佢地，都廢事曬氣~但係呀瑜係我隔離見到我禁既樣，就叫我冷靜啲~到左放學我就落左hall底，飲野同寫野.寫緊野個陣，巧儀拎支水剌槍射落我到，好采冇整濕本野.同巧儀、善媛行落去食野個陣，群問我係唔係寒底~我都唔知咩黎既.行到落去食糖水個陣，善媛有時又扮細路仔.所以我又學翻佢，仲叫巧儀做姐姐~巧儀俾我睇佢細個個樣，我睇左之後又覺得佢幾得意bor~行翻去搭車個陣，善媛又話我凶佢.夜晚就出左旺角俾翻啲野表姐~

p.s:巧儀買野個陣，我真係好羨慕佢可以買野俾個細佬~真係好羨慕~

由今日開始我就要好珍惜呢個星期，因為呢個星期係我既最後既一個星期~我一定要做五年黎都未係學校做過既事，我翻學已經諗到一樣就係搭的翻學，因為我突然之間發覺我原來未試過搭的返學~但係最重要既並唔係做啲未做過既野，而係做啲可能再冇機會做既事，如果呢個星期我做唔到既話，我一定會後悔~翻學搭巴士既時候，見到架貨van抄埋去警署到，個司機個樣好無奈.返到學就上課室~小息智君就黎搵我派問卷.到左Lunch time謙就俾人玩話要佢係黑板寫"I love Vivian".唉!無人叫佢玩足球機玩到禁大架~到左放學Lok就玩我，佢都係第一次禁玩我.可能因為之前唔係太熟啦.之後就搵miss so，改篇文.

今日出左旺角補中文，補完之後就搭左車出姨媽到~去到佢到照舊睇左陣碟，之後就用左表姐部電腦打diary同聽下佢啲歌.我發覺佢聽個啲歌通常我都有既~都唔知係米佢見到我msn打出黎個D歌名根住down既.用電腦個陣，呀菲係禁撩我同佢玩，成日都整我隻腳~走個陣就落住微徵雨，我真係好鐘意呢種天氣.雖然落雨但係就唔駛用傘.搭車個陣望住條街，有啲失落.可能因為天氣關係掛.