今日瞓到十二點半先醒~到左二點半到就出左去補習.補完習就上左眼鏡舖睇眼鏡，睇完之後就食tea.今日呀媽竟然俾錢我食tea喎.食完tea就去姨媽屋企，係佢到睇頭文字D~睇完之後就落左去打冷舖食野.食完野之後就翻屋企，翻到屋企就同善媛傾左陣電話.執書包既時候俾我搵翻本<<迷失在夢想國的戀人>>.我搵到本書之後就同善媛講話我要收線，唔知做咩我搵到本書之後就好嬲~為左唔想鬧錯人，所以我索性收左線~

琴日智君add我，佢問我做咩成日個樣好似唔開心禁既~我都唔知點答佢好.佢禁問我好似連佢都知我咩事禁~

今日出左tsuen wan補英文，今次冇同豐坐，因為佢有個fd同佢坐，所以成堂都冇咩點講野~不過都好似唔係幾留心禁，唔知點解成日都望住娜娜係我舊擦膠到寫個啲野，係到發呆~如果唔係娜娜係我舊擦膠到寫左個十二隻字，我都唔會望住舊擦膠發呆.係tsuen wan冇食到野就翻左屋企，到左五點就出左去西九龍食野.去西九龍個陣，經過以前補習社放學行既路~經過個陣令我諗翻起以前放左學同啲fd一齊一路行一路話個miss衰既情境.雖然我地個陣成日都俾個miss鬧，但係我覺得個時真係好開心~最記得既就係成班係麥當勞抄功課，真係好激.經過完麥當勞.我係馬路見到架灰色既GTT，又不其然諗起BUN哥哥，係佢令我第一次坐GTR~一架好多人都想坐既勁車.去到西九龍食完野就去左買小小野，翻到屋企都已經九點三.開電視睇衛視，做精武家庭~睇完之後就打左Diary.

今日一翻到學校企左陣見到李紫發曬皮氣禁，瑜問我佢做咩~我話佢有時係禁，唔駛理佢.之後瑜又話我，陳同佢發皮氣既方式都唔同~佢話陳發嬲就打野.我問佢禁我呢.瑜話我就會一個人唔出聲，禁我之後就話其實自己唔開心都唔關人事既.所以最好就係自己一個人.到嘉輝翻黎，我就同佢講左生日快樂~上到課室婷又有同佢講生日快樂，婷問佢係唔係第一個同佢講生快樂.嘉輝話唔係，佢話係我.唉!之後就俾羅sir記名喇.因為冇拎詠讚出黎~上英文堂，李紫唔知去左邊.miss so叫我同西、子杰等等...去搵佢，原來佢唔知做咩去左office~我仲走左上forth floor搵佢添.上完英文就上bio堂，當廖sir講到人奶個part既時候，娜娜同我講話佢飲過<唔係細個個陣>.娜娜話唔係幾好飲架喎~我聽完之後都冇野好講，禁佢都知.到左lunch就上左third幫智君做功課，做到打鐘.好採廖sir未上到黎.我趕得到呀~P.E.堂今日好輕鬆，射下波禁，不過唔知做咩，射十球九球中框.放學又係幫智君做功課，做到4點半到就走喇.翻到屋企玩電腦，同智君icq，講講下原來廖sir知道我地識架~

p.s:今日個天氣我好鐘意，啲雨唔會太大，如果日日都係禁就好喇~其實今日都有諗過善媛琴日叫我諗既問題，我仲未答到自己~但我知道我再禁冷落佢落去既只會相方都唔開心~

翻左學禁耐，今日先見到個女~一翻到學，瑜又問我有冇事，我諗唔單止善媛知道我既心情，我諗瑜都知.小息又同佢傾計.到左上英文堂，同子杰nana佢地一齊寫野，我地group啲grammer冇錯過~唔錯.上上下堂nana又拎我舊擦膠寫野.Lunch之後，我就上左music room，陳太叫我同佢講英文，但係打上堂鐘個陣我就走左~上到music room見到善媛個頭又好似唔同左禁，都唔"亂"既.到左上phy堂，呀sir問我地教左dy/dx同埋in未，我地成班扮到好似未教禁，又會突然禁團結既~今日唔知點解上曾sir堂覺得佢講啲野講得好<arm>.到左放學，我就落左hall底坐，同善媛傾左陣計，佢知道我唔係幾開心，就係禁叫我唔好禁失落~叫左好多次.我同佢講，我都唔知採唔採翻佢好~佢話如果再係禁落去既話，最後只不過係我同佢都唔開心.善媛叫我自己諗清楚啦.我係hall底坐其間，雖然巧儀都有同我講野，但係我都係應左一兩句禁~我問善媛巧儀知唔知我唔採佢，善媛話佢應該知.唉.我都唔知我認該點簡~

今朝第一次唔係幾願起身，可能琴日飲左啲2003年法國野，又冇加7喜飲，所以就突別好瞓~返到學校朝早我都冇乜點出聲，瑜早翻個我~佢一見到我就問我係唔係唔開心.我就梗係答冇事啦，佢仲話有啲咩就同佢講喎.唉!我都廢事佢又擔心埋我個份，所以我都冇講.上到去MR BK時間，我擺左本蕭源NOTES係抬面~羅SIR拎黎睇，又問我個封面知唔知係咩車~我話寶馬掛.佢話禁你都知.根住我就揭第二頁俾佢睇~但係羅SIR竟然話架車認該唔係寶馬.佢話啲歐洲車開窗掣唔係門邊.佢講完之後就走左，佢行左去後面之後我就話"果然一山還有一山高呀!"呀SIR聽完之後就係度笑~到左上CHEM堂，我好留心聽書，呢排啲CHEM我都明佢講咩.娜娜今日俾人激嬲左，之後就係禁拍我又<MEET>我又<DOOK>我~真係好辛苦.最哀就係佢竟然係我舊擦膠到寫野.好無奈.放完LUNCH上MISS SO堂好輕鬆，因為又係寫下野禁就落堂~到左放學我就照舊係課室門口企左一陣，其間我好似聽到有人叫我.返到屋企先知原來嗰個係善媛黎~

P.S:今日上MATHS同婷傾左兩句，佢今次冇鬧我~婷問我仲有冇理佢，我話冇，講講下佢令我明白到一啲野 ~