今日去左好多地方，本來諗住出去瓜灣到申請個張唔知咩證~點知要2點幾先有得申請，所以又去左姨媽屋企到坐.坐坐下我覺得悶就搵左隻michael jackson黎睇~隻碟雖然睇左好多次，但係都仲覺得好好睇.我記得呢隻碟係我大約四歲個陣時出，由細個到衣家都覺得佢好型~不過我都冇話俾人聽我幾鐘意佢，廢事啲人話我變態.睇到佢係演唱會唱heal The World 個陣就有啲唔知點既feel~因為全埸幾乎全部都係細路仔來自唔同國家，根住唱首歌.個個仲拖住手添，好正.最後我終於都知道原來首歌講和平~哈!頭先上網搵到dakota fanning既相喇.呢個女仔個樣真係好鬼得意~

p.s:呢排都冇咩事發生，所以寫左細個同埋啲同個日冇乜關係既野.

今日下午去左剪頭髮，剪到好短，好唔慣~唔店.都唔係好適合我個style.不過諗諗下下個禮拜都差唔多影班相，衣家剪定差唔多.剪髮嗰個人話，我啲頭髮好彈~佢叫我第時染下會好啲喎.翻到屋企姨媽話佢一陣整曲奇，不過我都冇機會食啦，因為要趕住做功課~唉!不過我覺得佢整野食真係好正，我聽呀爸成日講話婆婆整野食仲勁.我係食過，但係都再冇機會.不過我個陣時都唔知乜野叫做好食與唔好食~我記得婆婆走個陣時，我都唔知咩叫做死.細個個陣呀媽每個星期都帶我去婆婆屋企，佢會煲粥俾我食~直到佢走左之後，我見佢成日都唔係屋企.我就問呀媽婆婆去左邊，呀媽就呃我話佢翻左大陸~次次問都係呢個答案.大大下之後就知道原來婆婆走左，細個一路都冇人話我知佢去左邊.講講下都有啲down.

p.s:其實咩野都可以give up ，但係朋友同屋企人就一定唔可以~

今日下午呀爸翻到屋企，琴日佢出左去翻工~今日成兩點幾先翻到屋企.一翻到就同我講話琴日好激，啲友賽得好勁.仲話自己落左一個客就有兩架車過頭，如果唔係實帶頭~我個陣時心諗，我一定要勁過呀爸.所以我諗住18歲一定要考到.反正自己衣家都夠1萬蚊~隔左唔係好耐就要出去補習，補完習就去朗豪坊到睇個間WINDOW HOUSE.裡面住左四個西人~好似話要住幾個星期，要破唔知咩RECORD.


p.s:我琴日瞓覺之前拎住個電話，瞓係度諗左好耐，SEND唔SEND 個meaage俾佢好，但係最後都冇send 到~

今日係除夕，我諗好多人都會出街玩~但係呢個除夕，我冇出到去.食飯個陣覺得自己好一個人，我真係好想出去.但係我又可以同邊個出呀.係呢幾排過親大時大節，我都會覺得唔開心~原因係每次見到街啲人同埋朋友一齊玩，我就會好想好似佢地禁.好似琴日見到啲人影貼紙相禁~食野個陣我問呀媽，我細個坐車係唔係架車一停就咸，佢話梗係啦，都唔知我做咩，仲話我個陣時都未讀書~我都細個做咩會禁.

p.s:今日真係好辛苦，聖誕係禁，除夕又係禁~我就黎撐唔住呢種感覺.

今朝十點半到起身，突然之間諗起要出去tsuen wan補習喎~好彩記得，如果唔係冇補就死架喇.補完習之後都係兩點鐘到，本來應該去食野，但係2點半去食既話，會平好多~所以就去左近地鐵站嗰間商場到行.毫無目的禁行，行行下經過間影貼紙相既舖頭，我入左去.我見到啲人同朋友影相好開心，我好妒忌佢地禁開心~我諗我之前想既野都係冇機會發生.食完野就翻屋企~呢排我睇左套戲，個戲名叫<<war of the world>>.我覺得套戲個女仔好熟，諗諗下完來佢係之前拍<<TAKEN>>嗰個女仔黎架~我之前睇<<taken>>個陣時，都有啲留意佢架喇.不過衣家個樣大個左啲.佢真係好得意架，如果個女有佢一半禁得意就好~話時話我都係第一次話人得意.